Nadir Rəşid oğlu Rüstəmli (romanisert Nadir Rustamli, ) er ein aserbajdsjansk songar. I 2021 vann han den andre sesongen av The Voice of Azerbaijan, og han representerte Aserbajdsjan i Eurovision Song Contest 2022 med songen «Fade to Black».
Bakgrunn Rüstəmli vart fødd i Salyan, aust i Aserbajdsjan. Som barn tok han pianotimar på ein musikkskule i heimbyen Salyan. I 2021 vart han uteksaminert frå Aserbajdsjans universitet for turisme og leiing, der han tok ein grad i bedriftsadministrasjon.
Rüstəmli har delteke i fleire song- og talenttevlingar. I 2019 representerte han heimlandet i Youthvision International Song Contest, der han vart nummer to. To år etter vann han den andre sesongen av The Voice of Azerbaijan. I fyrste runde song han ein versjon av «Writing's on the Wall» av Sam Smith. To av dommarane snudde stolane, og Rüstəmli valde artisten Eldar Qasimov som mentor. Qasimov vann Eurovision Song Contest 2011 med låten «Running Scared». I finalen 28. januar 2022 song Rüstəmli nettopp denne songen, og vann heile tevlinga med 42,6 prosent av telefonrøystene.
I februar 2022 kunngjorde den aserbajdsjanske kringkastaren İctimai Televiziya at han hadde vald Rüstəmli til å representere landet i Eurovision Song Contest 2022 i Torino i Italia. Han deltok med songen «Fade to Black» og enda til slutt som nummer 16 av 25 i finalen.
Kjelder
Denne artikkelen bygger på «Nadir Rüstəmli» frå , den 19. oktober 2022.
Kategori:Aserbajdsjanske songarar Kategori:Aserbajdsjanske Eurovision Song Contest-deltakarar Kategori:Eurovision Song Contest 2022-deltakarar