Biafrabukta eller Bonnybukta er den delen av Guineabukta som ligg mellom utløpet av Nigerelva og Kapp Lopez i Gabon.
Namn Bukta har namn etter den tidlegare regionen Biafra i Vest-Afrika. Dette namnet er ei europeisk forvansking av namnet på lokale mafra- eller mafafolk, og viste til dagens Vest-Kamerun og delar av Ekvatorial-Guinea. Det gjekk ut av bruk om regionen på slutten av 1800-talet. Biafra var seinare ein kortlivd stat som erklærte sjølvstende frå Nigeria før han blei teken tilbake av Nigeria i Biafrakrigen (1967–1970).
Namnet Bonnybukta kjem frå hamnebyen Bonny i Nigerdeltaet.
Geografi
Biafrabukta går aust frå Nigerdeltaet i nord til ho når Kapp Lopez i Gabon."Biafra, Bight of." Encyclopædia Britannica. Encyclopædia Britannica Online Library Edition. Encyclopædia Britannica, Inc., 2013. Retrieved 2 November 2013. I tillegg til Nigerelva er andre elvar som renn ut i bukta Cross River, Calabar, Ndian, Wouri, Sanaga, Nyong, Ntem, Mbia, Mbini, Muni og Komo.
Hovudøyane i bukta er Bioko og Príncipe. Andre viktige øyar er Ilhéu Bom Bom, Ilhéu Caroço, Elobey Grande og Elobey Chico. Land ved bukta er Nigeria (austkysten), Kamerun, Ekvatorial-Guinea (Bioko og Río Muni) og Gabon (nordkysten).
Kjelder
Denne artikkelen bygger på «Bight of Biafra» frå , den 21. januar 2023.
Denne artikkelen bygger på «Biafrabukta» frå , den 21. januar 2023. oppgav desse kjeldene:
Kategori:Nigeriansk geografi Kategori:Kamerunsk geografi Kategori:Ekvatorialguineansk geografi Kategori:Gabonsk geografi Kategori:Atlanterhavet Kategori:Guineabukta