Gerd Kjølaas () var ein norsk ballettdansar, koreograf og pedagog, kjend som pådrivar for fridans og av Gunnar Brunvoll nemnd som «den norske balletts mor».
Kjølaas var utdanna i Kristiania under Inga Jacobi, i Dresden under Gret Palucca, og ved Royal Academy of Dancing i London, der ho etter kvart studerte hos Kurt Jooss og ensemblet Ballet Jooss, som ho turnerte verda over med (1946–47). I Noreg debuterte ho som dansar og koreograf i heimbyen Trondheim (1931) der ho dreiv eigen frilansskule (1931–36).
Saman med Louise Browne skipa Kjølaas ensemblet Ny Norsk Ballett, som produserte over femti oppsetjingar (1948–54). Saman med Rita Tori førte ho vidare verksemda som Den Norske Ballett (1954–57). Dette ensemblet danna i sin tur grunnlaget for opprettinga av Den Norske Operas ballettensemble (Nasjonalballetten) på 1950-talet.
Koreografi Kjølaas laga koreografi for mellom anna Nationaltheatret, Folketeatret og Det Norske Teatret.
Verk i utval Mot ballade (1945). Basert på eit stykke av Hans E. Kinck. Den fyrste sjølvutvikla oppsetjinga i Noreg, til musikk av Tore Sinding Veslefrikk med fela (1953). Den fyrste norske dansefilmen. Markisen Uredd Tyrihans
Bibliografi Fridans (1946). Fyrste norske dansebok. Dans, ropte livet, Eige forlag (1998) ISBN 91-973091-2-5
Prisar og utmerkingar For sin innsats som dansar og koreograf vart ho tildelt Kongens fortenestemedalje i gull i 1969.Kongens fortenestemedalje - tildelingar kongehuset.no [besøkt 10.september 2024] og Senter for Dansekunsts ærespris i 1996.
1968 Oslo bys kulturstipend 1969: Kongens fortenstemedalje i gull 1996: Senter for Dansekunsts ærespris
Minnesmerke Gerd Kjølaas’ plass utanfor Dansens Hus i Oslo vart i 2014 kalla opp etter Kjølaas.
Kjelder
Denne artikkelen bygger på «Gerd Kjølaas» frå , den 6. mars 2023.
Bakgrunnsstoff Norsk biografisk leksikon om Gerd Kjølaas Gerd Kjølaas i Sceneweb Videointervju med Gerd Kjølaas i 1997 danseinfo.no
Kategori:Einskildkvinner Kategori:Norske ballettdansarar Kategori:Norske dansarar Kategori:Norske koreografar Kategori:Norske sakprosaforfattarar Kategori:Kongens fortenestmedalje i gull Kategori:Folk frå Trondheim Kategori:Folk tilknytte Den Norske Opera & Ballett