Karin Krog Bergh () er ein norsk jazzsongar. Ho er rekna som ein av dei fremste norske jazzvokalistane.
Liv og virke Karrieren til Krog byrja på jam sessions i Penguin Club i Oslo i 1955, og ho vart engasjert sekstetten til Kjell Karlsen. Ho vart etter kvart også kjend gjennom radioen. Då den fyrste jazzfestivalen i Molde vart arrangert, song ho der med kvartetten til Kjell Karlsen.
Frå 1962 hadde Krog si eiga gruppe, men samarbeidde også med kvintetten til Frode Thingnæs og trioen til Egil Kapstad. I 1964 gav ho ut sitt fyrste soloalbum, By Myself. I 1965 var ho med på å danne Norsk Jazzforum, der ho blant anna var leiar.85 års omtale i Aftenposten 15. mai 2022
I 1969 byrja Krog å studere song hos Ivo Knecevic. I dei følgjande åra samarbeidde ho med ei rekkje kjente nasjonale og internasjonale musikarar, som Jon Christensen, Niels-Henning Ørsted Pedersen, Kenny Drew, Don Ellis, Archie Shepp, John Surman, Red Mitchell og Bengt Hallberg.
Krog har fått ei rekkje prisar, blant anna Buddyprisen, Radka Toneff Minnepris og Spellemannprisen fire gongar. Ho er også riddar av 1. klasse av St. Olavs Orden (2005).Tildelinger - Karin Krog - kongehuset.no
Krog var gift med programsekretæren og jazzhistorikaren Johs. Bergh frå 1957 til han døydde i 2001. Dei har to barn, Cathrine Bergh og Dot Elisabeth Bergh. Krog er oldebarn av musikaren og komponisten Anders Heyerdahl.
Prisar og utmerkingar 1965 – Buddyprisen frå Norsk jazzforbund 1975 – Spellemannprisen 1974 i klassen kvinnelege artistar 1975 – Female Singer of the Year av European Jazz Federation 1981 – Nominert til Spellemannprisen 1980 i klassen jazz for Swingin' Arrival (med Per Borthen Swing Department Ltd) 1981 – Oslo bys kunstnerpris 1983 – Gammleng-prisen i klassen jazz 1987 – Nominert til Spellemannprisen 1986 i klassen jazz for Freestyle 1990 – Nominert til Spellemannprisen 1989 i klassen jazz for Something Borrowed, Something New 2000 – Spellemannprisen 1999 i klassen jazz for albumet Bluesand (med John Surman) 2004 – Nominert til Spellemannprisen 2003 i klassen jazz for Where You At? 2005 – Riddar 1. klasse av St. Olavs Orden 2006 – Nominert til Spellemannprisen 2005 i klassen jazz for Seagull (med Bergen Big Band) 2007 – Anders Jahres kulturpris 2008 – Oslo Jazzfestivals pris Ella-prisen 2013 – Heidersprisen under Spellemannprisen 2012 2014 – Spellemannprisen 2013 i klassen jazz for albumet Songs about This and That (med John Surman) 2016 – Innlemma i Rockheim Hall of Fame 2017 – NOPAs hederspris 2021 – Norsk kulturråds ærespris
Kjelder
Denne artikkelen bygger på «Karin Krog» frå , den 18. mars 2023.
Bakgrunnsstoff Offisiell nettside Krog hos Discogs. Krog hos MusicBrainz. Krog hos Sceneweb. Karin Krog frå Jazzbasen. Karin Krog frå Jazzbasen. Kategori:Norske jazzvokalistar Kategori:St. Olavs Orden Kategori:Melodi Grand Prix 1967-deltakarar Kategori:Vinnarar av Spellemannprisen Kategori:Rockheim Hall of Fame Kategori:Folk frå Oslo