«Fire and Rain» er ein song skriven og framført av James Taylor og gjeven ut i august 1970 på Warner Bros. Records som ein singel frå det andre albumet hans, Sweet Baby James. Songen følgjer Taylor sin reaksjon på sjølvmordet til Suzanne Schnerr, ein barndomsvenn, og erfaringane hans med narkotikamisbruk og suksess. Etter utgjevinga nådde «Fire and Rain» ein andreplass på RPM-lista i Canada og tredjeplassen på Billboard Hot 100.
Bakgrunn og samansetning I VH1-serien Storytellers sa Taylor at songen handla om fleire hendingar under den tidlege platekarrieren hans. Den andre linja «Suzanne, the plans they made put an end to you» refererer til Suzanne Schnerr, ein barndomsvenn av han som døydde av sjølvmord medan han var i London i England, og spelte inn sitt første album.White, Timothy og Mitchell Glazer. Long Ago and Far Away: James Taylor - His Life and Music. New York: Omnibus Press, 5. utgåve 2011, s. 141. I den same meldinga sa Taylor at han hadde vore i ein djup depresjon etter at han ikkje klarte å halde i gang det nye bandet sitt The Flying Machine (teksten «Sweet dreams and Flying Machines in pieces on the ground»; referansen er til namnet på bandet snarare enn ei fatal flyulykke, som det lenge gjekk rykte om). Taylor fullførte skrivinga av songen medan han var på rehabilitering for dopmisbruk.NPR: All Things Considered. Fire and Rain. 6. juni 2000
I 2005, under eit intervju på NPR, forklarte Taylor til programleiar Scott Simon at songen var skriven i tre delar:
Den første delen handla om veninna til Taylor, Suzanne, som døydde medan Taylor var i London og jobba med sitt første album etter å ha fått kontrakt med Apple Records. Vener heime var uroa for at det kunne distrahera Taylor frå det store gjennombrotet hans, og heldt den tragiske nyheita frå han, og han fekk vita det seks månader seinare. Den andre delen skildra kampen til Taylors for å overvinna narkotikamisbruk og depresjon. Den tredje delen handlar om å takla suksess og rikdom, og ser tilbake på vegen som førte han dit. Den inkluderer ein referanse til James Taylor and the Flying Machine, eit band han jobba kort med før han fekk det store gjennombrotet sitt med Paul McCartney, Peter Asher og Apple Records.
Carole King spelte piano på songen. Trommeslagaren Russ Kunkel brukte børstar i staden for pinnar på trommesettet sitt, og Bobby West spelte kontrabass i staden for ein bassgitar for å «understreka melankolien i songen».
King har uttalt at songen «You've Got a Friend», som Taylor spelte inn, var eit svar på linja i refrenget om at «I've seen lonely times when I could not find a friend.»
Taylor refererer til songen i ein annan av komposisjonane sine, «That's Why I'm Here», tittelsporet frå albumet frå 1985, der han skriv: «Fortune and fame's such a curious game. Perfect strangers can call you by name. Pay good money to hear 'Fire and Rain' again and again and again.»
Han refererer òg til songen i ein annan komposisjon, «Money Machine» (eit kynisk syn på dei økonomiske aspekta ved platebransjen): «When I began the game, see me sing 'bout Fire and Rain; Lemme just sing it again - I've seen fives and I've seen tens.» (Sjå meg syngja om «Fire and Rain»; la meg berre syngja han igjen - eg har sett femmarar og eg har sett tiarar).
Mottaking Broadcast Music, Inc. rangerte «Fire and Rain» som nummer 82 på sin «Top 100 Songs of the Century»-liste, medan National Endowment for the Arts og Recording Industry Association of America inkluderte songen på si Songs of the Century-liste, som omfattar 365 songar av «historisk betydning» spelt inn frå 1900 til 2000, og plasserte «Fire and Rain» som nummer 85. I april 2011 vart songen lagt på 227. plassen på lista til Rolling Stone over dei 500 beste songane gjennom tidene.
Andre versjonar Marcia Hines spelte inn «Fire and Rain» på debut-LP-en sin frå 1975, Marcia Shines. Versjonen hennar nådde nr. 17 i Australia. Ved Australian Record Awards i 1975 vann songen Hines årets kvinnelege singel.
Parodiar Taylor framfører songen i The Simpsons i episoden «Deep Space Homer». Medan han syng songen for ei gruppe astronautar (inkludert Homer Simpson og Buzz Aldrin), endrar han teksten «Sweet dreams and flying machines in pieces on the ground» til «Sweet dreams and flying machines, flying safely through the air» når han innser at romskipet kan krasja.
I 2015 opptredde Taylor på The Late Show with Stephen Colbert, der han song ein versjon med mange referansar til populærkulturen etter 1970.https://www.youtube.com/watch?v=Un-FO8iXCrA
Salslister Vekeslister
+James TaylorListe (1970)PlasseringAustralia KMR6US Cashbox Top 100Downey, Albert, and Hoffmann, p. 343
Årslister +James TaylorListe (1970)PlasseringAustralia 87Canada26U.S. Billboard Hot 10067U.S. Cash Box85
Andre versjonar
+R. B. GreavesListe (1970)PlasseringUS Cashbox Top 100Downey, Albert, and Hoffmann, p. 145Australia (Kent Music Report)82Canada (RPM)74 +Johnny RiversListe (1970)PlasseringUS Billboard Hot 100US Cashbox Top 100Downey, Albert, and Hoffmann, p. 289
+Marcia HinesListe (1975)PlasseringAustralia (Kent Music Report)17 +Willie NelsonListe (1976)PlasseringUS Hot Country Singles (Billboard)
Salstrofé
Kjelder
Denne artikkelen bygger på «Fire and Rain (James Taylor song)» frå , den 1. april 2023. oppgav desse kjeldene:
Bakgrunnsstoff Transcript of Kerry O'Brien interview with Taylor about «Fire and Rain»
Kategori:Songar frå 1969 Kategori:Singlar frå 1970 Kategori:James Taylor-songar Kategori:Singlar frå 1975 Kategori:A&M Records-singlar Kategori:Herb Alpert-songar Kategori:Atco Records-singlar Kategori:CBS Records-singlar Kategori:Grammy Hall of Fame Award Kategori:Georgie Fame-songar Kategori:R.B. Greaves-songar Kategori:Tim Hardin-songar Kategori:Marcia Hines-songar Kategori:Imperial Records-singlar Kategori:Al Jarreau-songar Kategori:Hubert Laws-songar Kategori:Metasongar Kategori:Anne Murray-songar Kategori:Willie Nelson-songar Kategori:Reprise Records-singlar Kategori:Johnny Rivers-songar Kategori:Songar produserte av Peter Asher Kategori:Songar om sjølvmord Kategori:Songar skrivne av James Taylor Kategori:Warner Records-singlar Kategori:Andy Williams-songar Kategori:Wizard Records-singlar Kategori:Songar til minne om avdøde personar Kategori:Songar om narkotika 227