«Can I Sit Next to You, Girl» er den første singelen til det australske hardrockbandet AC/DC, gitt ut 22. juli 1974. Den 26. august 1974 nådde songen 50. plassen på hitlista i Australia. Denne versjonen har solovokal framført av Dave Evans før han vart erstatta av Bon Scott, og dessutan trommer av tidlegare Masters Apprentices-medlem Colin Burgess, og bassgitar av tidlegare The Easybeats-medlem George Young (eldre bror av grunnleggjarane av bandet Malcolm Young & Angus Young, som òg var medprodusent). Opphavleg spelte den første bassisten til AC/DC, Larry Van Kriedt, basspartia, men George spelte inn sine eigne over dei seinare. I 1975, etter at Scott vart med, arrangerte gruppa om og spelte inn songen på nytt som det sjuande sporet på det australske albumet deira, T.N.T., gitt ut i desember 1975 og som sjette spor på den internasjonal versjonen av High Voltage, som kom ut i mai 1976. Tittelen på denne versjonen av songen fjerna kommaet, og vart «Can I Sit Next To You Girl».
Innspelingar Låten vart skrive av Malcolm og Angus Young, og var første originale låten til AC/DC. Evans-versjonen vart gitt ut som singel i Australia,Malcolm Dome and Jerry Ewing, AC/DC - The Encyclopaedia og bandet framførte songen saman med Evans i TV-showet Countdown. Det musikalske arrangementet av Evans-versjonen er ulik frå Scott-versjonen, og han har aldri vorte offisielt gitt ut utanfor Australia (sjølv om han no er allment tilgjengeleg på internett, på nettstader som YouTube).
Video Framferda av songen på The Last Picture Show vart omgjort til ein musikkvideo, berre gitt ut i Australia i 1974. Peter Clack (trommer) og Rob Bailey (bass) dukka opp i videoen, sjølv om dei ikkje var med på innspelinga. Medan Angus har på seg sin snart ikoniske skuleuniform i videoen, presenterer resten av bandet eit visuelt bilete av glamrock med sateng og fargerike kostyme som minner meir om T-Rex enn om seinare tungrock.The 1974 video of Can I Sit Next To You complete with Glam rock costumes
Medverkande «Can I Sit Next to You, Girl» (1974) Dave Evans – solovokal Angus Young – gitar Malcolm Young – gitar George Young – bassgitar, produsent Colin Burgess – trommer
«Can I Sit Next to You Girl» (1975) Bon Scott – solovokal Angus Young – sologitar Malcolm Young – rytmegitar Mark Evans – bassgitar Phil Rudd – trommer
Salslister Liste (1974)PlasseringAustralia (Kent Music Report)50
Kjelder
Denne artikkelen bygger på «Can I Sit Next to You, Girl» frå , den 20. mai 2023. oppgav desse kjeldene:
Kategori:Songar frå 1974 Kategori:Debutsinglar frå 1974 Kategori:AC/DC-songar Kategori:Songar skrivne av Angus Young Kategori:Songar skrivne av Malcolm Young Kategori:Songar produserte av Harry Vanda Kategori:Songar produserte av George Young Kategori:Albert Productions-singlar