mini|Myklebustskipet vert sjøsett på Nordfjordeid Myklebustskipet er eit gravfunn frå garden Myklebust på Norfjordeid i Stad kommune i Vestland. Funnet vart gjort i Rundehogjen, den største av fem gravhaugar på garden. Det vart undersøkt av Anders Lorange i 1874.
Skipet hadde vorte brent i grava. Det vart ikkje funne trerestar, men ei mengd båtsaum. Plasseringa av saumane i grava viste omrisset av skipet, og brannrestane viste at skipet hadde vore minst 25 meter langt.
Utanom båtrestane vart det midt i grava funne 58 skjoldbular, og ei kopargryte som inneheld oske og beinrestar av ein mannsperson. Bronsekaret er av irsk opphav, og pryda med tre emaljerte mannsfigurar. Skipet har vorte bygd seint på 800- eller tidleg på 900-talet.
Rekonstruksjon Ein tilnærma kopi av skipet vart bygd på Nordfjordeid i 2016-2019. Arbeidet vart utført av båtbyggjarar frå Bjørkedalen, med erfaring frå tidlegare vikingskipskopiar. Rekonstruksjon og teikningar vart utført av Saxe Bjørkedal. Materialen til skipet, som er bygd i fure, vart henta i Bjørkedalen. Det vart felt over 400 furetre for å skaffe byggetilfang. Ikkje alle desse furutrea var gode nok til å nyttast.
Treskjerar Rolf Taraldset frå Hornindal har skore drakehovudet og halen.
Mål på det rekonstruerte skipet Full lengd: 30 meter Breidde : 6 meter Høgd i stamnen: ca 7 meter Tal på båtsaum: med ro ca 7000 Tal på trenaglar: ca 700 Berekna vekt: ca 16 tonn
Skipet er utstilt på kunnskapssenteret Sagastad på Nordfjordeid.
Bilete frå Sagastad
Kjelder
Denne artikkelen bygger på «Myklebustskipet» frå , den 22. juni 2023.
Kategori:Vikingskip Kategori:Klinkbygde skip Kategori:Arkeologiske funn i Noreg Kategori:Rekonstruksjonar av vikingskip Kategori:Historie i Stad Kategori:Gjenstandar frå 800-talet Kategori:Gjenstandar frå 900-talet Kategori:Skip frå norrøn tid