Jennifer Kate Hudson (), ogaå kjend under kallenamnet J.Hud, er ein amerikansk songar og låtskrivar, skodespelar, talkshow-vert og produsent. Gjennom karrieren sin har ho vunne ulike prisar for arbeidet sitt med musikk, film, fjernsyn og teater. Hudson blei den yngste kvinna og den andre afrikansk-amerikanske kvinna til å vinna alle dei fire hovudprisane innan amerikansk underhaldningsindustri: Emmy, Grammy, Oscar og Tony (EGOT). Ho fekk ei stjerne på Hollywood Walk of Fame i 2013. Time nemnde henne som ei av dei 100 mest påverknadsrike menneska i verda i 2020.
Hudson blei kjend i 2004 då ho var finalist i den tredje sesongen av American Idol, og ende opp på sjuande plass. Ho filmdebuterte som Effie White i musikalen Dreamgirls (2006), som ho vann ein Academy Award for Best Supporting Actress for, den yngste afrikansk-amerikanaren til å vinna ein skodespelarkategori. Etter å ha skrive platekontrakt med Arista Records gav Hudson ut debutalbumet sitt Jennifer Hudson i 2008, som selte til gull i USA og Storbritannia, og vann ein grammypris for beste R&B-album.
Dei neste studioalbuma til Hudson, I Remember Me (2011) og JHUD (2014), nådde begge topp ti-lista av Billboard 200, der fyrstnemnde også selde til gull i USA. Ho hadde fleire skodespelarroller i filmane Sex and the City (2008), The Secret Life of Bees (2008), Winnie Mandela (2011), Black Nativity (2013), Sing (2016), Cats (2019) og Respect (2021), fjernsynsseriane Smash (2012), Empire (2015) og Confirmation (2016), og debuterte på Broadway i musikalen The Color Purple. Hudson var også trenar i dei britiske og amerikanske versjonane av The Voice frå 2017 til 2019, og blei den fyrste kvinnelege trenaren til å vinna fyrstnemnde. I 2022 byrja ho å leia eit talkshow, The Jennifer Hudson Show.
Bakgrunn Hudson blei fødd i 1981 i Chicago i Illinois. Ho var det tredje og yngste barnet til Darnell Donerson og Samuel Simpson. Ho blei oppdregen som baptist i Englewood. Då ho var 7 byrja ho framføra musikk då ho blei med i kyrkjekoret, og blei med på amatørteater med hjelp frå mormora si Julia. Ho har nemnt Whitney Houston, Aretha Franklin og Patti LaBelle som dei største påverknadane og inspirasjonskjeldene sine. Ho har også omtalt Mariah Carey som ein av dei musikalske heltane sine. Hudson var elev ved Dunbar Vocational High School, som ho gjekk ut frå i 1999. Ho byrja som student ved Langston University i Oklahoma, men forlet det etter eit semester på grunn av heimlengt og misnøye med vêret. I staden blei ho student ved Kennedy–King College i Chicago.Biography Today, p. 51.
I januar 2002 skreiv Hudson sin fyrste kontrakt med Righteous Records, eit sjølvstendig plateselskap i Chicago. Ho blei frigjeven frå den fem år lange kontrakten med Righteous Records slik at ho kunne ta del i American Idol i 2004.
Karriere
2004–05: American Idol Hudson hadde audition for den tredje sesongen av American Idol i Atlanta. Ho fekk det høgaste talet stemmer i «Top 9» etter å ha framført Elton John sin song «Circle of Life» 6. april 2004, men to veker seinare blei ho eliminert frå tevlinga under «Top 7»-showet etter å ha framført Barry Manilow sin «Weekend in New England». I mai 2009 plasserte MTV Hudson som den sjette største deltakaren i American Idol til då, og sa at hennar eliminasjon var den mest sjokkerande av alle.May 21, 2009, The 10 Greatest 'American Idol' Contestants Of All Time: Latest champ Kris Allen didn't make our list, but you might be surprised by who did. James Montgomery, MTV. I mai 2010 hevda Los Angeles Times at Hudson var den tredje største Idol-deltakaren nokonsinne, etter vinnaren av fyrste sesong, Kelly Clarkson, og vinnaren av fjerde sesong, Carrie Underwood.
2006–07: Dreamgirls og gjennombrot I ei av dei fyrste framføringane sine på eit album var Hudson med på å synga duetten «The Future Ain't What It Used to Be» på Meat Loaf sitt Bat Out of Hell III: The Monster Is Loose. I september 2006 framførte Hudson songen «Over It» live på Fox Chicago Morning News. Då ho blei intervjua fortalde ho at songen ville vera del av debutalbumet hennar, som skulle koma ut tidleg i 2007; dette var likevel før ho hadde nokon platekontrakt. I november 2006 skreiv Hudson kontrakt med Arista Records. Ho spelte også inn ein song ho skreiv saman med Bill Grainer og Earl Powell kalla «Stand Up», som var mogleg å høyra på nettstaden hennar. Sporet blei arrangert og produsert av Powell og Herman Little III, begge frå Chicago.. Denne powerballaden blei seinare gjort tilgjengeleg som bonusspor på deluxe-utgåva av Jennifer Hudson sitt fyrste album, som kom ut i 2008 og hadde namn etter henne.
I november 2005 fekk Hudson rolla som Effie White i filmversjonen av musikalen Dreamgirls, der også Jamie Foxx, Beyoncé Knowles og Eddie Murphy hadde roller. Dette var debutfilmen til Hudson. Filminga av Dreamgirls tok til 9. januar 2006, og filmen blei fyrst sleppt på avgrensa stader den 25. desember 2006 og så landet over 12. januar 2007. Hudson fekk særleg ros for framføringa si av hitsongen «And I Am Telling You I'm Not Going», signatursongen knytt til rolla. Denne songen var allereie blitt spelt inn, og gjort til litt av ein musikalsk standard, av Jennifer Holliday. The New York Observer omtalt Hudson si framføring av songen som «five mellifluous, molto vibrato minutes that have suddenly catapulted Ms. Hudson... into the position of front-runner for the best supporting actress Oscar». Newsweek skreiv at når filmsjåarar fekk høyra Hudson synga songen, ville ho «raise goose bumps across the land.» Variety skreiv at framføringa til Hudson' «calls to mind debuts like Barbra Streisand in Funny Girl or Bette Midler in The Rose, with a voice like the young Aretha». «Love You I Do» blei nominert til Academy Award for Best Original Song i 2007 og vann Grammy Award for Best Song Written for a Motion Picture, Television or Other Visual Media i 2008.
For rolla som Effie White vann Hudson 29 prisar frå filmkritikarar som Best Supporting Actress og Breakthrough Performer of 2006. Ho vann Golden Globe-prisen som Best Actress in a Supporting Role. I tillegg blei ho utropt til Best Supporting Actress av Broadcast Film Critics Association og av Screen Actors Guild. Etter å ha sett Hudson opptre i Dreamgirls spelte Simon Cowell inn ei gratulasjonsmelding til henne som blei sendt på The Oprah Winfrey Show. I mars 2007 blei Jennifer Hudson den tredje afrikansk-amerikanske kjendisen og den fyrste afrikansk-amerikanske songaren til å vera på framsida av bladet Vogue. 11. februar 2007 blei British Academy Film Awards haldne i London for 60. gong. Hudson vann BAFTA Award for Best Actress in a Supporting Role, men var ikkje til stades. Prisen hennar forsvann ei stund, og Hudson fekk han fyrst 22. april 2011 på Graham Norton Show. 25. februar 2007 vann ho Oscar-prisen for Best Supporting Actress for rolla si i filmen. Seinare i 2007 erklærte borgarmeisteren i heimbyen hennar Chicago, Richard M. Daley, at 6. mars skulle vera «Jennifer Hudson Day». Ho blei innboden til å vera med i Academy of Motion Picture Arts and Sciences 18. juni, i lag med 115 andre i 2007. Entertainment Weekly sette framføringa hennar på si liste over «best-of» for tiåret, og skreiv: «Sure, Beyoncé's performance was great. And Eddie Murphy's was impressive. But there was really only one reason we all rushed to see 2006's Dreamgirls: Jennifer Hudson's soul-to-the-rafters rendition of the classic 'And I'm Telling You I'm Not Going'. When she sang 'You're gonna love me,' it wasn't just a lyric — it was a fact.»Geier, Thom; Jensen, Jeff; Jordan, Tina; Lyons, Margaret; Markovitz, Adam; Nashawaty, Chris; Pastorek, Whitney; Rice, Lynette; Rottenberg, Josh; Schwartz, Missy; Slezak, Michael; Snierson, Dan; Stack, Tim; Stroup, Kate; Tucker, Ken; Vary, Adam B.; Vozick-Levinson, Simon; Ward, Kate (December 11, 2009), "THE 100 Greatest MOVIES, TV SHOWS, ALBUMS, BOOKS, CHARACTERS, SCENES, EPISODES, SONGS, DRESSES, MUSIC VIDEOS, AND TRENDS THAT ENTERTAINED US OVER THE PAST 10 YEARS". Entertainment Weekly. (1079/1080):74-84.
2008–09: Albumet Jennifer Hudson og filmar mini|Hudson opptrer i 2007. I mai 2008 spelte Hudson rolla Louise, assistenten til Carrie Bradshaw, i filmen Sex and the City. Filminga blei avslutta i desember 2007, og filmen kom ut 30. mai 2008. I oktober 2008 hadde Hudson si tredje filmrolle i The Secret Life of Bees der ho spelte Rosaleen, morsfiguren til Lily Owens (Dakota Fanning). Andre skodespelarar i filmen var Queen Latifah, Sophie Okonedo og Alicia Keys. Filmen vann to People's Choice Awards i januar 2009 i kategoriane Favorite Drama Movie og Favorite Independent Movie. Han blei også nominert til ni ulike Black Reel Awards, og vann tre av dei. Hudson var nominert for rolla si i filmen, men blei slått av medspelaren Queen Latifah. Filmen fekk også åtte nominasjonar ved NAACP Image Awards 2009, medrekna ein nominasjon til Hudson.
I 2009 spelte Hudson rolla som Kathy Archenault i Fragments, ein film basert på ein roman av Roy Freirich, der også Dakota Fanning og Forest Whitaker var med. Filmen kom ut på DVD 4. august 2009. I 2010 byrja Hudson spela inn den biografiske filmen Winnie Mandela, basert på livet til den sørafrikanske aktivistenWinnie Mandela, med amerikanske Terrence Howard som medspelar og med sørafrikanske Darrell J. Roodt som regissør. Andre Pieterse og Roodt and Paul L. Johnson skreiv manuskript til filmen basert på Anne Marie du Preez Bezdrob sin biografi Winnie Mandela: A Life. Creative Workers Union of South Africa var motstandarar av valet av ein utanlandsk skodespelar i rolla. Winnie Mandela blei gjeven ut av Image Entertainment 6. september 2013.
I januar 2008 vendte Hudson tilbake til studioet for å spela inn nye songar til debutalbumet sitt. Selskapet hennar skal ha vore misnøgd med retninga dei tok Hudson i musikalsk, og bestemte at det ville vera betre å forkasta dei eldre songane og i staden fokusera på nye. Hudson samarbeidde med Ryan Tedder og Timbaland om ei rekkje songar. Debutsingelen henanr «Spotlight» blei gjeven ut 10. juni 2008, og blei Hudson sin fyrste hitt i topp 40, der han nådde 24. plassen på<i id="mwAXM">Billboard</i> Hot 100 og blei ein topp 20-hitt i Storbritannia og Tyrkia. Debutalbumet hennar Jennifer Hudson kom ut 30. september 2008 på Arista og var skrive av Ne-Yo, som også produserte det i lag med Stargate. Andre bidragsytarar til albumet var mellom anna Timbaland, Missy Elliott, Robin Thicke, Harvey Mason, Jr., Diane Warren, Earl Powell og Christopher «Tricky» Stewart. Albumet gjekk rett til andreplassen på Billboard 200 med 217 000 selde eksemplar i USA, og fekk positive meldingar. I august 2009 hadde det blitt selt 739 000 eksemplar i USA, og blei sertifisert til gull etter å ha selt over 500 000 eksemplar. Ho framførte songen «All Dressed in Love» til lydsporet for filmen Sex and the City, som kom ut i mai 2008. Ved Democratic National Convention 2008 framførte ho den amerikanske nasjonalsongen.
I oktober 2008 skulle den andre singelen frå albumet ut. Opphavleg skulle dette ha vore «My Heart», men valet fall til slutt på «If This Isn't Love». Etter at tre av familiemedlemmane til Hudson blei brutalt drepne, blei singeulutgjevinga utsett til januar 2009. Så utsette plateselskapet utgjevinga igjen, til februar 2009. Etter at han blei gjeven ut nådde singelen 63. plassen på Billboard Hot 100 og 37. plassen på UK Singles Chart. Den tredje singelen skulle vera «Pocketbook», som Ludacris tok del på, men singelutgjevinga blei avlyst etter dårlege reaksjonar frå fans og kritikarar. I staden blei den tredje singelen «Giving Myself», som kom ut i 2. juni 2009 i USA. For debutalbumet blei Hudson nominert til tre grammyprisar for 2009:: Best Female R&B Vocal Performance for «Spotlight», Best R&B Performance by a Duo or Group with Vocals for«I'm His Only Woman» med Fantasia Barrino og Best R&B Album for Jennifer Hudson. Ho vann den siste av desse, og opptredde også ved tildelingsseremonien.