Svetlana Vladimirovna Bogdanova () er ein russisk tidlegare handballspelar frå Sverdlovsk. Målvakta vart verdsmeister 1990 for Sovjetunionen og 2001 for Russland.
Karriere Landslagsspel Bogdanova vakta målet då Sovjetunionen slo Jugoslavia med 24 mål mot 22 i finalen under Handball-VM 1990. To år seinare tapte Russland og Bogdanova semifinalekampen mot Noreg under Sommar-OL 1992, men lukkast vinne bronsefinalen. I desember 2001 vart Bogdanova verdsmeister på ny, då Russland i finalen slo det norske laget 30–25.
Klubbspel Bogdanova var på 1980-talet aktiv på universitetslaget til Sverdlovsk. I 1996 reiste ho til Spania, der ho allereie året etter var med å vinne finalen i meisterligaen for Sagunt (Mar Valencia). Også i 1998 tok Sagunt seg til meisterligafinale, eit oppgjer som enda med tap for Bogdanova og Sagunt. I 1999 skifta ho over til konkurrenten Mislata. Med dette spanske laget vann ho EHF-cupen våren 2000, norske Tertnes IL vart slått 42–41 i finalane. Bogdanova avslutta med spel 2002–06 for Itxako, også det eit spansk lag.
Merittar VM-gull: 1990 og 2001 for Russland OL-bronse: 1992 for «Sovjetunionen» Vinnar av EHF-meisterligaen: 1997 med Sagunto Vinnar av EHF-cupen: 2000 med Mislata Spansk seriemeister: 1997, 1998 med Sagunto Spansk cupmeister: 1997, 1998, 1999 med Sagunto og 2001 med Mislata
Kjelder
Denne artikkelen bygger på «Svetlana Bogdanova» frå , den 15. november 2023.
Kategori:Russiske handballspelarar Kategori:Folk frå Jekaterinburg