Turua er ein liten busetnad ved breidda av Waihou-elva i Hauraki Plains på Nordøya på New Zealand. Han ligg nær munninigen av elva, 9 km sør for bukta Firth of Thames og 12 km sør for byen Thames. Staden har vegsamband via Hauraki Road til SH 2 i nord og SH 2 i sør.
Ved folketeljinga i 2018 hadde Turua 381 innbyggjarar. Registrerte folkegrupper var 87,4 % europear/pākehā, 19,7 % [maori, 1,6 % stillehavsfolk, 3,1 % asiatar og 1,6 % anna. Ein kunne oppgje meir enn ei folkegruppe.
Turua er eit maoristadnamn som tyder ‘sett to gonger’, og viser til refleksjonar i elva. Før den europeiske busetnaden var byen ein maori-pā omringa av store skogar av kahikatea. På slutten av 1800-talet blei Turua eit av dei viktigaste områda for utnytting av treslaget på New Zealand då familien til George og Martha Bagnall kjøpte Turua sagbruk i 1875. Dei neste førti åra blei kahikatea-lundane rundt byen erstatta av små familiegardsbruk.Hatvany, M, "Environmental Failure, Success and Sustainable Development: The Hauraki Plains Wetlands Through Four Generations of New Zealanders," Environment and History, 14 (2008): 469–95.
Galleri
Kjelder
Denne artikkelen bygger på «Turua» frå , den 8. januar 2024.
Kategori:Busetnader i Waikato