mini|Kornsilobygningen i 2009. Kunstsilo er eit norsk kunst- og kultursenter på Odderøya i Kristiansand som opna 11. mai 2024. Kunstsilo er eit framhald av Sørlandets kunstmuseum med nytt namn, ny plassering og med ei stor utviding av kunstsamlinga. Kunstsilo siktar på å bli det beste museet i Norden innan modernismen.
Bygningen Senteret held til i ein nedlagd og verneverdig kornsilo frå 1935. Den opphavlege kornsiloen var ein av dei fyrste funksjonalistiske bygningane i Kristiansand. Han blei teikna av arkitektane Arne Korsmo og Sverre Aasland, og blei tildelt Houens fonds diplom i 1935. I 2017 vann arkitektkontora Mestres Wåge Arquitectes og MX_SI Architectural studio ein internasjonal arkitektkonkurranse om ombygging av siloen til kunstmuseum og kultursenter.
I tillegg til kunstutstillingar skal senteret tilby eit tverrfagleg samarbeid med andre institusjonar om konsertar, arrangement, debattar og kursverksemd. Stiftinga Kunstsilo, tidlegare Sørlandets kunstmuseum (SKMU), er byggherre for prosjektet.
Kunstsamlingar Samlingane i Kunstsilo består av tre kunstsamlingar: Sørlandssamlinga, som tilhøyrde Sørlandets kunstmuseum, samlingane frå Christianssands billedgalleri, og til slutt Nicolai Tangens kunstsamling, som han gav til Kristiansand kommune i 2015. Tangen-samlinga omfattar over 5500 kunstverk, og dei tre samlingane tel til saman 7500 kunstverk.
Tangens kunstsamling blir forvalta av AKO Kunststiftelse.
Stiftinga Kunstsilo Kunstsilo er organisert som ei stifting. Administrerande direktør i stiftinga er Reidar Fuglestad, som tidlegare har vore direktør for Dyreparken i Kristiansand, og styreleiar er Stein Olav Henrichsen, som har vore direktør for Munchmuseet i Oslo.
Kjelder
Denne artikkelen bygger på «Kunstsilo» frå , den 5. april 2024.
Bakgrunnsstoff
Kategori:Kultur i Kristiansand Kategori:Kunstmuseum i Noreg Kategori:Betongtavlen