Christel Alsos er artistnamnet til Christel Alsos Monsen (), ei norsk songarinne frå Fauske i Nordland fylke.
Etter å ha opptredd på TV-programmet Noen Bedre på NRK hausten 2004 vart ho oppdaga av plateselskapet Sony BMG, som ho teikna kontrakt med.
Den første utgjevinga hennar var singelen «Come On» i 2006. Denne vart godt motteke av norske radiostasjonar og kom inn på Hit40 i november 2006. Debutalbumet Closing the Distance kom ut 15. januar 2007 og selde 30 000 på tre månader, noko som gjorde henne til ein av dei bestseljande kvinnelege artistane våren 2007. Ho er vorte nominert til Spellemannprisen fire gonger: til Spellemannprisen 2006 i klassa årets musikkvideo for «Come On», til Spellemannprisen 2007 i klassene årets nykomar og kvinneleg artist for albumet Closing the Distance og til Spellemannprisen 2010 i klassa kvinneleg artist for hennar andre album Tomorrow Is.
Alsos' songar «Found» og «When the Light Dies Out» har vorte brukt i TV-serien Vampire Diaries.
Utgjevingar Album Closing the Distance (2007) Tomorrow Is (2010) Presence (2013) I den kalde vinter (2013)
Singlar Come On (2006) Suzanne (2009) Conquer (2012) I den kalde vinter (2013)
Bakgrunnsstoff Christel Alsos på MySpace.com Christel Alsos i Store norske leksikon Christel Alsos på Rockipedia Christel Alsos Monsen på allmusic.com
Kategori:Norske musikarar Kategori:Folk frå Fauske Kategori:Norske songarar