Sultan Mahomed Shah (), kjend som Aga Khan III, var frå 1885 til han døydde åndeleg overhovud for ismaelittane. Han var medgrunnleggjar og den fyrste permanente leiaren for All-India Muslim League (AIML). Som religiøs og verdsleg leiar hadde han stor makt i den muslimske verda. Han vart medlem av Det kongelege rådet i Storbritannia i 1934. Aga Khan representerte India i Folkeforbundet frå 1932 og var leiar for forbundet frå 1937 til 1938.
Liv thumb|Mausoleet til Aga Khan i Aswan.
Aga Khan var fødd i Karachi i dåverande Britisk India som son av Aga Khan II, som hadde flytta dit frå Persia, og den tredje kona hans, Nawab A'lia Shamsul-Muluk, eit barnebarn av Fath Ali Shah av Persia. Etter å ha vore elev ved Eton College i England vart han student ved University of Cambridge.«Aga Khan, Fashionable Londoner, Holds Enormous Power in Islam», The New York Times, 8. juli 1923, s. XX5.
Allereie sju år gammal, i 1885, etterfølgde han faren som imam for sjiamuslimane i ismaili-sekta.https://www.britannica.com/biography/Aga-Khan-III, Aga Khan III], Encyclopedia Britannica, 18. september 2003. Han reiste vidt i verda for å møta tilhengjarane sine, og engasjerte seg i å gje råd og støtt. I 1897 vart han utnemnd til Knight Commander of the Indian Empire (KCIE) av dronning Victoria av Storbritannia. Han vart opphøgd til Knight Grand Commander (GCIE) ved kroninga til Edvard VII i 1902, og vart utnemnd til Knight Grand Commander of the Order of the Star of India (GCSI) av George V i 1912 og GCMG i 1923. Han vart også æra av den tyske keisaren, den osmanske sultanen, den persiske sjahen og andre herskarar.
Han heldt hus i Bombay, men oppheldt seg mykje i Europa. I India støtta han det britiske kolonistyret og vart 1916 lønna med fyrstetittel, men herska aldri over noko territorium. Han mottok tributtar frå sekta sine medlemer i India, Sentral-Asia og Aust-Afrika, og skal ha vore ein av dei rikaste personane i verda.
Aga Khan er gravlagd i eit mausoleum ved Nilen i Aswan i Egypt.
Verk Han skreiv fleire bøker og artiklar, der særleg India in Transition hadde stor tyding. Her føreslo Aga Khan III ein sørasiatisk føderasjonThe Aga Khan; India in Transition, Bombay, 1918, s. 45-46. av sjølvstyrande statar.
The Memoirs of Aga Khan: World Enough and Time er sjølvbiograpfien hans.
Kjelder
Bakgrunnsstoff
Kategori:Ismailisme