Christian Schwarzer () er ein tysk tidlegare handballspelar frå Braunschweig. Linjespelaren vart europameister 2004 og verdsmeister 2007 med Tysklands landslag. I 2000 vann han meisterligaen med spanske FC Barcelona.
Karriere Klubbspel Schwarzer var aktiv 1987-91 i Fredenbeck, spelte deretter på TV Niederwürzbach til 1999. 1999-2001 gjorde han teneste i FC Barcelona, der han var med på å vinne meisterligaen i sin fyrste sesong med det spanske storlaget. Frå 2001 til -07 var han Lemgo-spelar i bundesligaen. Til sist spelte han for Rhein-Neckar Löwen, eit lag som i 2008 nådde finalen i EHF-cupvinnarcupen. Han la opp i 2009.
Landslagsspel Schwarzer spelte sin fyrste landskamp i november 1989 og den siste under Sommar-OL 2008. Etter tap i EM-finalen 2002, VM-finalen 2003 og OL-finalen 2004, bidrog han mykje til at Tyskland gjekk heilt til topps i Handball-EM 2004 og det store høgdepunktet, VM-finalen 4. februar 2007 på heimebane i Köln. Schwarzer deltok i seks verdsmeisterskap, fem europameisterskap og fire olympiske sommarleikar. På totalt 319 landskampar skåra han 966 mål, fleire enn nokon annan tysk handballspelar.
Merittar EM 1998: Bronsemedalje, etter 30–28 eeo mot Russland EM 2002: Sølvmedalje, 31–33 mot Sverige VM 2003: Sølvmedalje, 31–34 mot Kroatia Sommar-OL 2004: Sølvmedalje, 24–26 mot Kroatia EM 2004: Gullmedalje, etter 30–25 over Slovenia VM 2007: Gullmedalje, etter 29–24 over Polen Vinnar av EHF-meisterligaen: 2000 for FC Barcelona Vinnar av EHF-cupvinnarcupen: 2006 for TBV Lemgo Vinnar av EHF-europaserien: 1995 for TV Niederwürzbach Finalist i EHF-cupvinnarcupen: 2008 for Rhein-Neckar Löwen Spansk ligameister 2000 for FC Barcelona Spansk cupmeister: 2000 for FC Barcelona Tysk pokalmeister: 2002 for TBV Lemgo Tysk ligameister: 2003 for TBV Lemgo
Kjelder
Denne artikkelen bygger på «Christian Schwarzer» frå , den 9. august 2024.
Kategori:Tyske handballspelarar Kategori:Olympiske medaljevinnarar i handball Kategori:Olympiske sølvmedaljevinnarar for Tyskland Kategori:Tyske deltakarar under sommar-OL 1996 Kategori:Handballspelarar under sommar-OL 1996 Kategori:Tyske deltakarar under sommar-OL 2000 Kategori:Handballspelarar under sommar-OL 2000 Kategori:Medaljevinnarar under sommar-OL 2004 Kategori:Tyske deltakarar under sommar-OL 2004 Kategori:Handballspelarar under sommar-OL 2004 Kategori:Tyske deltakarar under sommar-OL 2008 Kategori:Handballspelarar under sommar-OL 2008 Kategori:Folk frå Braunschweig