West Baffin Eskimo Cooperative, òg kjent som Kinngait Co-operative, er eit inuittisk samvirkelag i Kinngait i Nunavut som er best kjent for aktivitetane sine innan kjøp, produksjon og sal av inuittisk kunst. Laget er ein del av Arctic Co-operatives Limited, ei gruppe lokalt eigde verksemder som tilbyr grunnleggjande tenester i nordlege Canada. Samvirkelaget set prisar for verk av medlemmene sine, betala kunstnarane på førehand og deler vinsten mellom alle medlemmene sine.
Samvirkelaget blei grunnlagt i 1959 av James Houston og Kananginak Pootoogook som eit forsøk på å oppmuntra kunstproduskjon som ei næring for lokale innbyggjarar. Siden 1959 har laget kjøpt over 100.000 kunstverk frå lokale kunstnarar og stått for utgjevinga av ei årleg utgjeving med 50 trykk av kunstnarar frå Kinngait.
I 2005 hadde over eit dusin kunstnarar frå Kinngait blitt medlemmar av Royal Canadian Academy of Arts: Abraham Etungat, Pitseolak Ashoona, Pauta Saila, Kenojuak Ashevak, Osuitok Ipeelee, Kananginak Pootoogook, Mayureak Ashoona og Kiawak Ashoona.
Hovudkontoret og trykkatelieret til samvirkelaget, Kinngaite Studios, ligg i Kenojuak Cultural Centre og Print Shop, som er oppkalla etter den leiande inuittkunstnaren Kenojuak Ashevak. Samvirkelaget driv òg Dorset Fine Arts, eit kommersielt kunstgalleri i Toronto i Ontario, som er ansvarleg for marknadsføring og sal av kunst som er laga av samvirkemedlemmar.
Kjelder
Denne artikkelen bygger på «West Baffin Eskimo Cooperative» frå , den 25. august 2024.
Bakgrunnsstoff
Kategori:Kultur i 1959 Kategori:Skipingar i 1959 Kategori:Inuittisk kunst Kategori:Kultur i Nunavut Kategori:Kanadisk kunst