Julie Marie Vinter Hansen () var ein dansk astronom. Ho var den fyrste kvinnelege astronomiske observatøren i Europa, og den fyrste kvinna i ei embetstilsetjing ved Københavns Universitet. Bakgrunn Vinter Hansen var fødd i København. Foreldra hennar var politikaren Jørgen Hansen (1837-1911) og Rasmine Sophie Vinter (1848-1929).
Vinter Hansen tok artium frå N. Zahles Skole i 1910 og begynte året etter på Københavns Universitet. Medan ho studerte blei ho i 1915 tilsett som reknar ved universitetet sitt observatorium på Østervold. I 1917 blei ho den fyrste kvinna som blei mag.scient. i astronomi ved Københavns Universitet.
Karriere I 1919 tok Vinter Hansen i mot ei nyoppretta assistentstilling ved Observatoriet. I 1921 gav så ei lovendring kvinner tilgang til alle offentlege stillingar, bortsett frå i militæret og i folkekyrkja.Possing, B. (2019): "Argumenter imod Kvinder", s.163. Derfor kunne Vinter Hansen bli tilsett som Observator ved Københavns Universitet. Ho blei dermed den fyrste kvinna som fekk embetstilsetjing ved KU, og den fyrste kvinnelege observatøren i Europa.Zambach, S. (2018): "Kvinde kend din kode", s. 6; Kvindebiografisk Leksikon
Hansen blei redaktør av Nordisk Astronomisk Tidsskrift.
Seinare blei ho direktør for Internasjonale Astronomiske Union.
I 1939 blei Hansen den fyrste astronomen på Københavns Universitets observatorium som blei breitt kjend for utrekning av banane til mindre planetar og kometar. Same året fekk ho Tagea Brandts Rejselegat, som blir gjeve til kvinner som har utført eit stort bidrag til kunst eller vitskap. Med pengane ho vann reiste ho frå USA til Japan og tilbake. Utbrotet av andre verdskrigen i 1940 gjorde det umogleg for henne å reisa heim, og ho blei verande i USA til krigen slutta i 1945.
Ho fekk eit Martin Kellogg Fellowship ved University of California, noko som gjorde det mogleg for henne å arbeida i USA. Ho blei òg tildelt Annie J. Cannon Award in Astronomy i 1940.
Hansen blei slått til riddar av Dannebrog i 1956, og fortsette karrieren sin ved Københavns Universitet fram til 1960.
Død Julie Vinter Hansen døydde i 1960 av hjartestopp, berre nokre få dagar før ho skulle ha blitt pensjonert, i den sveitsiske fjellbyen Mürren. Ho blei gravlagd på Vestre Kirkegård i København.
Asteroiden 1544 Vinterhansenia, som blei oppdaga av den finske astronomen Liisi Oterma i 1940-åra, er kalla opp etter henne.
Prisar og utmerkingar
1931: Fellow of Royal Astronomical Society 1939: Tagea Brandts Rejselegat 1940: Annie Jump Cannon Award in Astronomy Martin Kellogg Fellowship 1956: Riddar av Dannebrog
Kjelder
Denne artikkelen bygger på «Julie Vinter Hansen» frå , den 7. september 2024.
Kategori:Elevar ved Københavns Universitet Kategori:Folk frå København Kategori:Tilsette ved Københavns Universitet Kategori:Danske astronomar