Terje Andersen () er ein norsk tidlegare skeiseløpar og idrettsleiar frå Tønsberg i Vestfold. Han vann bronsemedaljen på 1500 meter under Vinter-OL 1980. Andersen var president i Norges Skøyteforbund mellom 1997 og 1999 og perioden 2003-07.
Aktiv Andersen representerte Noreg i to internasjonale allround-meisterskap. I europameisterskapen 1973 vann han 500-meteren, men klarte ikkje å kvalifisere seg til 10 000 meter. To år seinare deltok han i verdsmeisterskapen i Oslo, der han enda på tolvteplassen.
Sidan konsentrerte han seg om dei kortare distansane. Ved Vinter-OL 1976 i Innsbruck vart han nummer 16 på 1000 meter og nummer 15 på 1500 m. Åra 1978 til 1981 deltok han i samtlege verdsmeisterskap i sprint-firkamp, kom på sjetteplass i 1978 og fjerdeplass i 1981.
Høgdepunktet for Andersen kom då han sikra seg bronsemedaljen på 1500 m ved Vinter-OL 1980 i Lake Placid. På 1000-meteren vart han nummer 12.
Han var medlem i Tønsberg Turnforening og til sist Holmestrand og Botne Skøyteklubb.
Kjelder
Denne artikkelen bygger på «Terje Andersen» frå , den 30. november 2024.
Kategori:Norske skeiseløparar Kategori:Olympiske bronsemedaljevinnarar for Noreg Kategori:Olympiske bronsemedaljevinnarar i lengdeløp på skeiser Kategori:Norske deltakarar under vinter-OL 1976 Kategori:Skeiseløparar under vinter-OL 1976 Kategori:Medaljevinnarar under vinter-OL 1980 Kategori:Norske deltakarar under vinter-OL 1980 Kategori:Skeiseløparar under vinter-OL 1980 Kategori:Folk frå Tønsberg