5miinust (estisk for fem minusar) er ei estisk hiphopgruppe skipa i Võsu i 2015. Medlemmane av gruppa er Kristjan «Estoni Kohver» Jakobson, Mihkel «Päevakoer» Tamm, Karl «Põhja-Korea» Kivastik og Priit «Lancelot» Tomson.
Saman med duoen Puuluup representerte 5miinust Estland i Eurovision Song Contest 2024 med songen «(Nendest) narkootikumidest ei tea me (küll) midagi».
Historie 5miinust blei skipa i Võsu i 2015. Gruppa fekk eit gjennombrot då albuma Aasta plaat og Rämmar hamna på topp 20-lista over mestseljande album i Estland i 2018. Året etter gav ho ut singelen Aluspükse saman med rapparen , som låg seks veker på toppen av Eesti Tipp-40, og blei den tredje mestseljande songen i Estland i 2019. Same år signerte 5miinust med den baltiske greina av Universal Music Group. Gjennom Universal Music gav gruppa ut singlane «Paaristõuked», «Peo lõpp» og «Loodus ja hobused», som alle nådde fyrsteplassen på Eesti Tipp-40.
5miinust har ved to tilhøve blitt kåra til årets artist under Eesti Muusikaauhinnad, prisutdelinga for den estiske musikkindustrien.
Eesti Laul I november 2023 blei 5miinust og Puuluup kunngjorde som ein av semifinalistane i Eesti Laul 2024, den estiske nasjonale finalen til Eurovision Song Contest 2024, med songen «(Nendest) narkootikumidest ei tea me (küll) midagi». Dei vann til slutt finalen og fekk retten til å representere Estland i Eurovision Song Contest 2024 i Malmö.
Estland deltok i den andre semifinalen torsdag 9. mai i Malmö. Der enda dei på ein sjetteplass og kvalifiserte seg til finalen laurdag 11. mai. I finalen enda 5miinust og Puuluup på ein 20. plass med 37 poeng.
Medlemmar Noverande medlemmar Kristjan Jakobson («Estoni Kohver» eller berre «Kohver») Mihkel Tamm («Päevakoer»), Karl Kivastik («Põhja-Korea» eller berre «Korea»), Priit Tomson («Lancelot»). Tidlegare medlemmer Pavel Botšarov («Venelane») (2015–2023). Han starta ein solokarriere under pseudonymet Gameboy Tetris.
Merknader
Kjelder
Denne artikkelen bygger på «5miinust» frå , den 27. desember 2024.
Kategori:Estiske musikkgrupper Kategori:Estiske Eurovision Song Contest-deltakarar Kategori:Estiske Eurovision Song Contest-låtskrivarar Kategori:Eurovision Song Contest 2024-deltakarar Kategori:Eurovision Song Contest 2024-låtskrivarar