Hallasan (koreansk 한라산) er det høgaste fjellet i Sør-Korea med sine 1950 moh. Det er ein gammal skjoldvulkan som utgjer ein stor del av øya Jeju.
Området rundt Hallasan er tilrettelagt som nasjonalpark. To andre viktige fjell i Sør-Korea er Jirisan og Seoraksan.
Ifølgje krønikeverket Goryeosa hadde vulkanen sitt siste utbrot i 1007, medan geologiske prov tyder på at det siste utbrotet fann stad for rundt minst 2000 år sidan.
Tempel Buddhisttempelet Gwaneumsa ligg på fjellet. Tempelet blei opphavleg bygt i Goryeo-tida (1046–1083) under styret til kong Munjong. Som mange andre tempel i Korea blei Gwaneumsa øydelagt i 1702 og stengt i 200 år. Tempelet blei bygt opp att i 1908. Det finst ein minnestad utanfor tempelet til minne om offera for Jeju-massakren som fann stad frå 1948 til 1950.
På fjellet finst også Jonjaamji, ein pagode med Buddha-relikviar.
Galleri
Kjelder
Denne artikkelen bygger på «Hallasan» frå , den 29. juni 2025.
Kategori:Fjell i Sør-Korea Kategori:Høgaste punkt Kategori:Skjoldvulkanar Kategori:Sovande vulkanar