Ciaran Gerard Carson () var ein nordirsk diktar og romanforfattar.
Bakgrunn og utdanning Ciaran Carson blei fødd i Belfast i 1948 i ein irsktalande familie. Far hans, William, var postmann og mor hans, Mary, arbeidde i linindustrien. Dei fyrste åra sine budde han i nedre Falls Road, der han gjekk på Slate Street School og deretter St. Gall's Primary School. Han gjekk så på St. Mary's Christian Brothers' Grammar School før han blei student i engelsk ved Queen's University, Belfast (QUB).
Karriere Etter fullført grad arbeidde han i over tjue år som Traditional Arts Officer ved Arts Council of Northern Ireland.
I 1998 blei han utnemnd til professor i engelsk ved Queen's University, Belfast, der han grunnla og var direktør for Seamus Heaney Centre for Poetry.
Han gjekk av med pensjon i 2016, men blei verande tilknytt organisasjonen på deltidsbasis.
Virke Diktsamlingane hans inkluderer The Irish for No (1987), som vann Alice Hunt Bartlett-prisen; Belfast Confetti (1990), som vann Irish Times Irish Literature Prize for Poetry, og First Language: Poems (1993), som vann T. S. Eliot-prisen. Breaking News frå 2003 vann Forward Poetry Prize (Beste diktsamlinga det året) og Cholmondeley-prisen. Prosaverka hans inkluderer The Star Factory (1997) og Fishing for Amber (1999). Romanen hans Shamrock Tea (2001) tek for seg tema i Jan van Eyck sitt måleri Arnolfini-bryllaupet. Han omsette Inferno av Dante og gav det ut i november 2002. Han omsette The Midnight Court av Brian Merriman i 2006. For All We Know kom ut i 2008, og hans Collected Poems blei gjeven ut på Irland i 2008, og i Nord-Amerika i 2009.
Carson var òg ein dyktig musiker, og han var skreiv Last Night's Fun: About Time, Food and Music (1996), ein studie av irsk tradisjonsmusikk. Han skreiv ein spalte om irsk folkemusikk for The Journal of Music annankvar månad. I 2007 blei omsetjinga hans av det gammalirske eposet Táin Bó Cúailnge, kalla The Táin, gjeven ut av Penguin Classics.
To månader før han døydde gav han ut Claude Monet, "The Artist's Garden at Vétheuil", 1880 i The New Yorker. Dei siste linjene var:
It’s beautiful weather, the 30th of March, and tomorrow the clocks go forward. How strange it is to be lying here listening to whatever it is going on. The days are getting longer now, however many of them I have left. And the pencil I am writing this with, old as it is, will easily outlast their end.
Carson døydde av lungekreft den 6. oktober 2019, 70 år gammal.
I 2020 skipa Seamus Heaney Centre to årlege stipend (fellowship) til minne om Ciaran Carson, den fyrste direktøren sin, og inspirert av skrivinga hans om byen Belfast i prosa og poesi.
Bibliografi
Poesi
1976: The New Estate, Blackstaff Press, Wake Forest University Press 1987: The Irish for No, Gallery Press, Wake Forest University Press 1988: The New Estate and Other Poems, Gallery Press 1989: Belfast Confetti, Gallery Press, Wake Forest University Press 1993: First Language: Poems, Gallery Books, Wake Forest University Press 1996: Opera Et Cetera, Bloodaxe, Wake Forest University Press 1998: The Alexandrine Plan (gjendiktingar av sonettar av Baudelaire, Mallarmé og Rimbaud), Gallery Press, Wake Forest University Press 1999: The Ballad of HMS Belfast: A Compendium of Belfast Poems, Picador 2001: The Twelfth of Never, Picador, Wake Forest University Press 2003: Breaking News, Gallery Press, Wake Forest University Press 2008: For All We Know, Gallery Press; Wake Forest University Press, 2008 2008: Collected Poems, Gallery Press; Wake Forest University Press, 2009 2009: På nattvakten, Gallery Press; Wake Forest University Press, 2010 2010: On the Night Watch, Gallery Press, Wake Forest University Press 2012: In the Light Of, Gallery Press; Wake Forest University Press, 2013 2019: Still Life, Gallery Press; Wake Forest University Press, 2020
Prosa
1978: The Lost Explorer, Ulsterman Publications 1986: Irish Traditional Music, Appletree Press 1995: Belfast Frescoes (med John Kindness), Ulster Museum 1995: Letters from the Alphabet, Gallery Press 1996: Last Night's Fun: About Time, Food and Music, Cape; North Point Press (New York), 1997 1997: The Star Factory, Granta 1999: Fishing for Amber, Granta 2001: Shamrock Tea, Granta 2009: The Pen Friend, Blackstaff Press 2012: Exchange Place, roman, Blackstaff Press
Omsetjingar
2002: The Inferno of Dante Alighieri, Granta, tildelt Oxford-Weidenfeld Translation Prize 2005: The Midnight Court, (omsetjing av Cúirt an Mhéan Oíche av Brian Merriman), Gallery Press; Wake Forest University Press, 2006 2007: The Táin, Penguin Classics 2012: From Elsewhere (omsetjing av poesien til Jean Follain, i lag med originale dikt/meditasjonar om det same), Gallery Press
Kjelder
Denne artikkelen bygger på «Ciaran Carson» frå , den 17. februar 2025.
Kategori:Nordirske forfattarar Kategori:Engelskspråklege forfattarar Kategori:Forfattarar frå 1900-talet Kategori:Forfattarar frå 2000-talet