Sarah Bonnici () er ein maltesisk songar. Ho representerte Malta i Eurovision Song Contest 2024 med songen «Loop».
Bakgrunn Bonnici blei fødd den 30. mai 1998 i Xaghra på Gozo. Ho er dotter av millionæren Marcel Bonnici, dagleg leiar i Mercury Tower og fotballklubben . Ho har ein mastergrad i rekneskap og finans.
Karriere Bonnici blei rettleia av songaren frå ein ung alder. I 2009 deltok ho i Malta Junior Eurovision Song Contest, den maltesiske uttakinga for Junior Eurovision Song Contest 2009, med songen «The Mambo Song», der ho enda på tredjeplass. Året etter vann ho den fjerde utgåva av L-Għanja Tal-Maltin Song Festival, og plasserte seg fyrst i sin alderskategori med ein song skriven av Miriam Christine og vann «Beste stemme» i samme tevling. I 2010 deltok ho igjen i Malta Junior Eurovision Song Contest, der ho enda på ein sjuandeplass med songen «Kitty Kitty Cat». Deltakinga gav ho moglegheita til å bli med den maltesiske representanten , som dansar, i Junior Eurovision Song Contest 2010.
Gjennom tenåra deltok Bonnici i fleire internasjonale songtevlingar utanfor heimlandet, inkludert Trixie-festivalen i Bulgaria, Carpathians Star Festival i Romania og Star to Born-festivalen i Ungarn. Bonnici plasserte seg fyrst i sin kategori på Ti Amo-festivalen i Romania og vann også Original Song Category med songen «Vivrà ancora». Ho vann «New Talent»-kategorien av Festival Kanzunetta Indipendenza i 2012, og hovudkategorien til festivalen i 2018. Kort tid etter deltok ho i den fyrste utgåva av X Factor Malta.
Bonnici deltok i Malta Eurovision Song Contest 2022 med songen «Heaven», der ho enda på tolvteplass i finalen. Den 18. oktober 2023 blei ho presentert som ein av deltakarane i Malta Eurovision Song Contest 2024 med sangen «Loop», som seinare blei trekt til å opptre i det fyrste programmet av semifinale-runden 27. oktober. Etter at semifinalerunden var gjennomført, i slutten av november, ble det kunngjort at ho var blant dei kvalifiserte til finalen 3. februar 2024. I finalen vann hun juryavrøystinga og kom først samanlagt med 102 poeng, og fekk dermed retten til å representere Malta i Eurovision Song Contest 2024. Bonnici klarte ikkje å kvalifisere seg til finalen frå den andre semifinalen 9. mai 2024, etter å ha blitt nummer 16 av 16 deltakarar med 13 poeng.
Kjelder
Denne artikkelen bygger på «Sarah Bonnici» frå , den 4. mars 2025.
Kategori:Maltesiske songarar Kategori:Maltesiske Eurovision Song Contest-deltakarar Kategori:Maltesiske Eurovision Song Contest-låtskrivarar Kategori:Eurovision Song Contest 2024-deltakarar Kategori:Eurovision Song Contest 2024-låtskrivarar Kategori:Folk frå Gozo