Lars Sigurdsson Vikør () er professor i nordisk språkvitskap, særleg nynorsk leksikografi, ved Norsk Ordbok, Universitetet i Oslo, og har det faglege ansvaret for manuskripta til Norsk Ordbok.
Vikør har skrive bøker og artiklar om språkplanlegging, språkpolitikk, språknormering, leksikografi og moderne språkhistorie. Han har òg engasjert seg for samnorsk-saka gjennom Landslaget for språklig samling. Vikør har vore representant i Norsk språkråd.
Vikør har per 2007 omsett seks skjønlitterære bøker frå nederlandsk, den første var Men Marte då! av Veronica Hazelhoff (1986). Han fekk Bastianprisen for barne- og ungdomsbøker 1994 for Kvifor sa vi ingenting? av Jan de Zanger (1993), og Kulturdepartementets oversetterpris 2001 for Bror av Ted van Lieshout (2001). Andre representative omsetjingar er Om så med vald av Jan de Zanger (1990), Evolusjonsteorien og ost av Bas Haring (2003) og Bryllaup ved havet av Abdelkader Benali (2005).
Bibliografi
Viktige publikasjonar
The New Norse language movement (1975) Språkpolitikk pa fem kontinent: Eit oversyn og ei jamføring (1977) Perfecting spelling: Spelling discussions and reforms in Indonesia and Malaysia, 1900-1972 (1988) The Nordic languages: Their status and interrelations (1993) Aust-Timor, ein nasjon under jernhælen (1994)
Bakgrunnsstoff
Kategori:Norske språkforskarar Kategori:Professorar ved Universitetet i Oslo Kategori:Medlemmar av Det Kongelige Norske Videnskabers Selskab Kategori:Vinnarar av kulturdepartementet sine barnebokprisar Kategori:Folk frå Oslo