Meisterligaen i handball 2024 for kvinner var ei turnering arrangert av Europas handballforbund (EHF) som tok til 9. september 2023. Turneringa med 16 deltakande lag opna med seriespel i to grupper à 8 lag. Dei to beste laga i dei to gruppene gjekk rett til kvartfinalane, laga på plassane 3-6 møttest til cupspel om plass i kvartfinalane. Laga som vann kvartfinalane møttest til sluttspel i Budapest 1. og 2. juni.
Győri ETO vann turneringa gjennom finalesiger 30–24 over tyske BBM Bietigheim. Det var sjette gongen det ungarske laget vann meisterligaen. I semifinalen vann Győri ETO over danske Team Esbjerg med 24–23. Tidlegare slo Győri ETO ut norske IK Våg/Vipers i kvartfinalane med siffera 54 mot 49.
Sluttspelet Semifinalane: Győri ETO – Team Esbjerg 24 – 23 BBM Bietigheim – Metz HB 36 – 29 Bronsefinalen: Team Esbjerg – Metz HB 37 – 33
Finalen Győri ETO tok styringa i oppgjeret. Etter drygt ti minutts spel leia det ungarske laget 6–2, auka så til 12–7. Ved pause stod det 17–12 på måltavla. I den andre omgangen kom Bietigheim aldri nærare enn fire mål bak. Dermed kunne Győri ETO kontrollere inn til siger 30–24.
Norske Kari Brattset Dale og slovenske Ana Gros vart toppskårarar i finalen, begge med 6 fulltreffarar. Viktória Győri-Lukács skåra 5 mål, Line Haugsted 3, Nadine Szöllősi-Schatzl 3, Veronica Kristiansen 2, Csenge Fodor 2, Estelle Nze Minko 2, Bruna de Paula 1. Stine Oftedal, som vart tildelt bestemannsprisen, og Emilie Hovden kom ikkje på skåringslista. Silje Solberg stod i mål og Sandra Toft sat på benken.
Flest mål for Bietigheim skåra svenske Sofia Hvenfelt, ho stod for 5 nettkjenningar.
Kjelder
Denne artikkelen bygger på «EHF Champions League der Frauen 2023/24» frå , den 12. juni 2025.
Kategori:Handball i 2024 Kategori:Handball