Meisterligaen i handball 2023 for menn var ei turnering arrangert av Europas handballforbund (EHF) som tok til 14. september 2022. Turneringa med 16 deltakande lag opna med seriespel i to grupper à 8 lag. Dei to beste laga i dei to gruppene gjekk rett til kvartfinalane, laga på plassane 3-6 møttest til cupspel om plass i kvartfinalane. Laga som vann kvartfinalane møttest til sluttspel i Köln 17. og 18. juni.
Sportclub Magdeburg steig til topps i turneringa ved å sigre over polske KS Kielce. Laga stod likt då ordinær tid var ute. I ekstraomgangane makta det tyske laget å skåre fire mål mot det polske mannskapet sine tre. Dermed vann Magdeburg kampen med 30 mål mot 29. I semifinalen vann Magdeburg 40–39 over spanske FC Barcelona, også då etter ekstraomgangar. I kvartfinalane slo Magdeburg ut polske Wisła Płock med siffera 52–50. Det var fyrste gongen SC Magdeburg triumferte i EHF-meisterligaen.
Sluttspelet Semifinalane: SC Magdeburg – FC Barcelona 40–39, etter fire ekstraomgangar KS Kielce – Paris Saint-Germain 25–24 Bronsefinalen: FC Barcelona – Paris Saint-Germain 37–31
Finalen Magdeburg gjekk opp i 4-1, før Kielce utlikna til 6-6. Deretter fylgda laga kvarande til 9-9. Resten av omgangen førte Kielce kampen med 1 og 2 mål. Ved pause leia Kielce 15–13. I den andre ordinære omgangen drog Kielce frå til 18-14, før Magdeburg reduserte til 20-22. Sidan låg Kielce over, inntil Magdeburg tok føringa 25-24. Kielce snudde til 26-25, Magdeburg utlikna til 26-26 før ordinær tid var ute. Tidleg i andre ekstraomgang tok Magdeburg styringa med 29-27 og vann til sist 30-29.
Skåringane til Magdeburg kom frå Kay Smits 8, Gísli Kristjánsson 6, Michael Damgaard 6, Mathias Musche 4, Magnus Saugstrup 3, Daniel Pettersson 1, Christian O'Sullivan (lagkaptein) 1, Oscar Bergendahl 1. Nikola Portner og Mike Jensen var målvakter.
Aleks Dujsjebajev fann vegen til nettmauskane 8 gongar og vart toppskårar for Kielce.
Kjelder
Denne artikkelen bygger på «EHF Champions League der Männer 2022/23» frå , den 18. juni 2025.
Kategori:Handball Kategori:Handball i 2023