Alfred Hauge () var ein norsk forfattar og journalist frå Finnøy kommune i Ryfylke i Rogaland.
Hauge voks opp på Kyrkjøy i Sjernarøy. Han var elev ved landsgymnasa i Bryne og på Voss og tok examen artium i 1935 før han tok lærarskuleeksamen i Oslo 1939. I fleire år arbeidde han som lærar før han i 1951 vart journalist, først i avisa Vårt Land, og så frå 1953 til 1983 i Stavanger Aftenblad.
Hauge hadde bakgrunn frå den kristne lekmannsrørsla. I forfattarskapen sin utvikla han eit kulturope syn, kombinert med stor lojalitet mot sin eigen bakgrunn.
Han var oppteken av den norske utvandringa til Amerika. Mellom anna skreiv han ein trilogi om utvandrarpioneren Cleng Peerson. Desse bøkene vart selde i over 100 000 eksemplar.
Alfred Hauge skreiv både på nynorsk og bokmål. Forfattaren Kolbjørn Hauge var ein yngre bror av Alfred Hauge. Ved Sjernarøy kyrkje finst eit minnesmerke over Alfred Hauge.
Utmerkingar
Melsom-prisen 1949 Gyldendals legat 1955 Sunnmørsprisen 1958 for Kvinner på galgebakken Den norske Kritikerprisen for litteratur 1965 for Cleng Peerson-triologien Sokneprest Alfred Andersson-Ryssts fond 1974 Nynorsk litteraturpris 1984 for Serafen
Utval av utgjevingar Septemberfrost : eit folkelivsbilete frå åra 1812-14 (1941) Skyer i drift over vårgrønt land (1945) Diktsamling Hans Nielsen Hauge : Guds vandringsmann (1947) Året har ingen vår (1948) - roman, bind 1 av Lølands-trilogien Fossen og bålet (1949) - roman, bind 2 av Lølands-trilogien Tuntreet blør (1953) roman Ingen kjenner dagen (1955) - roman, bind 3 av Lølands-trilogien Kvinner på Galgebakken (1958) roman Cleng Peerson : hundevakt (1961) roman. Del I av Cleng Peerson triologien Cleng Peerson : landkjenning (1961) roman. Del II av Cleng Peerson triologien Gå vest - : gjennom Amerika i emigrantspor. (1963) Reiseskildring. Teikningar av Henry Imsland Cleng Peerson : ankerfeste. (1965) Del III av Cleng Peerson triologien Mysterium (1967) roman Cleng Peerson : utvandring (1968) Skodespel dramatisert i samarbeid med Asbjørn Toms. Det evige sekund (1970) Diktsamling Evangelium (1977) Diktsamling Barndom (1975) Livsminne Ungdom (1977) Livsminne Flinta-Lars : det gamle Jæren i tradisjon og folkeminne (1985) Folkeminne Gamle Jæren : andre boka om tradisjon og folkeminne etter Lars A. Tjøtta (1986) Folkeminne Manndom. Livsminne (1999) Manuskript utgjeve av familien til Alfred Hauge i samarbeid med Gyldendal forlag.
Litteratur Pedersen, Odd Kvaal: Gråstein og lengsel: peilinger i Alfred Hauges tema og litterære landskap, Oslo 1985. ISBN 82-05-16409-6 Sørbø, Jan Inge: Angen av bork og ein brennande einerbusk. Om Alfred Hauges forfattarskap, Oslo 2001. ISBN 82-05-29137-3 Aano, Jacob: Helsing Alfred : eit blikk på norsk kultur gjennom Alfred Hauge sine brev, Oslo 2000. ISBN 82-476-0159-1
Kategori:Norske forfattarar Kategori:Folk frå Finnøy Kategori:Vinnarar av Kritikerprisen Kategori:Vinnarar av Gyldendals legat Kategori:Vinnarar av Melsom-prisen Kategori:Vinnarar av Nynorsk litteraturpris