Wollert Ludvig Hille () var ein norsk bruks- og mylneeigar som representerte Bergen i stortinget 1877-79. Arnoldus og Søren Hille var brørne hans.
Hille var fødd i Fresvik i Sogn. Han tok i 1854 eksamen ved krigsskulen i Christiania. Frå 1856 var han premierløytnant i bergenske brigade, kaptein 1868-71. Han slutta i det militære for å verte direktør for brennevins-samlaget i Bergen, starta i tillegg og dreiv Tøsse mølle.
Hille budde i Askøy fram til 1867, og var ei tid ordførar i kommunen. Etter han flytta til Bergen var han medlem i Bergens bystyre. Valbolken 1877-79 var han Bergen sin 1. representant i stortinget, og var medlem i Militærkomiteen.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1877-1879 Kategori:Folk frå Bergen Kategori:Folk frå Vik