Mikkelfeltet er eit naturgassfelt aust på Haltenbanken i Norskehavet. Utvinning av naturgass og naturgasskondensat frå Mikkelfeltet tok til i fast produksjon frå den 1. oktober 2003.
Statoil er operatør for Mikkelfeltet. Mikkel ligg 35 km sør for Åsgardfeltet og nord for Draugenfeltet, og er bygd ut med undervassanlegg. Dette er knytt til undervassanlegget Midgard, som høyrer til Åsgardfeltet. Brønnstraumen går til Åsgard B-plattforma, og gassen vidare til Kårstø i Rogaland via røyrleidninga Åsgard transport.
Hovudforsyningsbasen ligg i Kristiansund, medan driftsorganisasjonen har hovudkontor i Stjørdal.
Kjelder Olje- og energidepartementet: Fakta norsk petroleumsverksemd 2006. Nettversjon Fakta om Mikkel på statoil.com
Kategori:Norske olje- og gassfelt Kategori:Olje- og gassfelt i Norskehavet