mini|Massasje under Taipei maraton.
Massasje er ei form for mekanisk påverknad av musklane i kroppen. Manuell massasje blir gjerne utført av ein utdanna massør som undersøkjer tilstanden til musklane og gjev tilpassa behandling. Ein kan òg få ein liknande effekt gjennom bruk av utstyr som til dømes massasjestol, utan den personlege tilpassinga.
Klassisk massasje Klassisk massasje blir utøvd gjennom rytmisk knaing og strekking av musklar. Dette lindrar smerte, reduserer muskelspenningar, stimulerer blod- og lymfesirkulasjonen, regulerer hormonbalansen og reduserer stress.
Avslappingsmassasje Avslappingsmassasje legg vekt på avspenning i form av mjuke og lette grep med god flyt. Målet er avkopling og stressreduksjon.
Idrettsmassasje Mjuker opp friske eller tidlegare skadde område som er prega av spente og ømme musklar. Idrettsmassasje blir ofte nytta av dei som ynskjer og toler ein djupare massasje, og gjerne før eller etter ei stor fysisk påkjenning, til dømes ei idrettstevling. Dette blir gjort for å kunna prestera maksimalt, redusera restitusjonstid og førebygga skader i muskulaturen. Idrettsmassasje byggjer på klassisk massasje, men det blir ofte brukt meir kraft og intensitet.
Utdanning Massasjeutdanning i Noreg er godt organisert. Det finst fleire skular med omfattande kurs av høg kvalitet. Ei typisk grunnutdanning som gjev tittelen Massør tek ca. eit halvt år. Denne kan byggast ut med tilleggsfag innan massjemetodar og/eller medisin. Ein kan då kvalifisera seg til tittelen Massasjeterapeut. Desse titlane er ikkje verna, men det er jamn konsensus i bransjen om kva dei inneber.
Organisasjon Utdanningskrava i Noreg er formulerte av Norsk bransjeråd for massasje. Det finst fleire medlemorganisasjonar som tek opp massørar som medlemmar, noko som blant anna er eit krav for at massørar skal få mva-fritak på linje med offentlege helsestenester. Massørane registrer seg då i Alternativregisteret i Brønnøysund som er organet til styresmaktene for å kvalitetssikra forretningsverksemda til terapeutar.
Kjelder
Denne artikkelen bygger på «Massasje» frå , den 13. november 2025.
Bakgrunnsstoff
Norsk Massasjeforening for profesjonelle massører (MF) Norges Massasjeforbund (NMF) Nasjonalt informasjonssenter for alternativ behandling (NIFAB)
Kategori:Rekreasjon Kategori:Terapi