Dynjandi eller Fjallfoss er ein 100 meter høg foss i elva Dynjandisá på Island. Fossen og elva ligg i Vestfirðir nordvest på Island. Dynjandi er 30 meter brei ved toppen og 60 meter brei ved foten. Han er den største fossen i Vestfirðir med ei total høgd på 100 meter. Ein kan sjå han langvegsfrå frå veg 60, og han er lett tilgjengeleg. Namnet Dynjandi tyder ‘dånande’.Sven B. F. Jansson, Isländsk svensk ordbok (6. oppl. 1994)
Nedanfor Dynjandi er det fleire mindre fossar før elva renn ut i Dynjandisvogur, som er ei vik av fjorden Arnarfjörður. Desse mindre fossane er Hæstahjallafoss, Strompgljúfrafoss (over 20 m høg), Göngumannafoss (som det går an å gå bakom), Hrísvaðsfoss og Kvíslarfoss (i kvar arm av elva), Hundafoss og Bæjarfoss (nær parkeringa).Dynjandi | Visit WestfjordsUmhverfisstofnun | Dynjandi í Arnarfirði | Náttúra
Dynjandi og andre fossar i Dynjandisá blei verna saman med nærområda sine i 1981.
Landet rundt Dynjandi er hovudsakleg kupert, men i nord er det fjellrikt. Ei vik av havet ligg nær Dynjandi i nordvest. Området rundt Dynjandi er nærast folketomt, med mindre enn to innbyggjarar per kvadratkilometer. Den næraste større busetnaden er Bildudaur, 19,1 km vest for Dynjandi. Det meste av området rundt Dynjandi er grassletter.
Galleri
Merknadar
Kjelder
Denne artikkelen bygger på «Dynjandi» frå , den 15. februar 2026.
Kategori:Fossar på Island