Henrik Lysholm () var ein norsk embetsmann, forretningsmann og politikar og politikar frå Trondheim. Han var stortingsmann 1839 og 1848 for kjøpstadane Trondhjem og Levanger. Johan Mølmann Lysholm var far hans.
Liv og verksemd Henrik Lysholm tok i 1815 juridisk embetseksamen ved Københavns Universitet. Året etter tok han til som prokurator i Søndre Trondhjems amt og ved byretten i Trondheim. År 1819 også prokurator ved stiftsoverretten i amtet. 1829–40 var han politimeister i Trondheim, deretter 1840–48 byfut og notarius publicus, og til sist borgarmeister frå 1848. Elles var Lysholm ekspedisjons-sekretær 1816-46 ved hovudkontoret til Noregs Bank i Trondheim. Sidan var han styremedlem i statsbanken fram til han døydde.
Lysholm var ein mektig mann i Trondheim. Saman med Olaus Wahl eigde han storgarden Bakklandet og teglverket der. Her kom også forløparen til Trondhjems Mekaniske Værksted i drift. Til like hadde han ei rekke offentlege verv, så som mangeårig medlem og varaordførar i Trondheim bystyre og styremedlem 1837–50 i Trondhjems Sparebank.
1839 representerte Lysholm valkrinsen Trondhjem og Levanger i Stortinget. Han var då med i Protokollkomiteen og sekretær i Komiteen om stempla papir. Etter stortingsmann Honoratus Bonnevie døydde i slutten av mars 1848, møtte Lysholm i Stortinget resten av sesjonen. I det høvet var han medlem i Bankkomteen og Komiteen om skattestellet i byane, og sekretær i Komiteen om pengekrisa.
Lysholm var frå 1826 medlem av Det Kongelige Norske Videnskabers Selskab.
Kjelder Lindstøl, Tallak: Stortinget og Statsraadet 1814-1914. Kristiania, 1914.
Kategori:Stortingsrepresentantar 1839-1841 Kategori:Stortingsrepresentantar 1848-1850 Kategori:Folk frå Trondheim