Kenneth Sivertsen (), fødd på Mosterhamn i Bømlo kommune), var ein norsk gitarist, songar (visesong, jazz), artist, komponist og humorist. Han var tidlegare kjærast og samarbeidde kunstnarleg med Herborg Kråkevik. Sivertsen er kjend som ein svært dyktig multikunstnar, og har blant anna samarbeidt med framtredande amerikanske jazzmusikarar som Michael Brecker, Mike Mainieri, Tony Levin og Bob Mintzer.
27. februar 2005 fall Sivertsen om på kaia i Haugesund på grunn av eit epilepsianfall, og fekk hjerneblødning. Delar av hovudskallen hans vart då fjerna på grunn av blodsamlingar i hovudet, og sidan operert inn att. Sivertsen var sidan hjerneblødninga på institusjon, delvis på sjukehusa i Haugesund og Bergen, og delvis på rekonvalesensheim. Sivertsen døydde julaftan 2006, 45 år gammal.
I november 2006 vart det halde ein hyllestkonsert til Kenneth Sivertsen på Bømlo. Konserten har fått namnet Draumespor (regi: Brynjar Stautland), og viser breidda i karrieren hans som komponist.
Komposisjonar (utval) Håp (1984) - symfoni Himmelsyn (1987) - for kor, jazzband og orkester. Sivertsen vann Årets verk for dette. Timeglaset og Morgonstjerna (1989) - symfoni Requiem (2003) - Tingingsverk til Festspillene i Bergen
Plateinnspelingar Einsam Flygar (1983) - viser Amalgamation (1985) - jazz/viser Spør Vinden (1988) - viser Flo (1990) - pop/viser, med tekstar av Birger Røksund Remembering North (1993) - jazz High Tide (1994) - pop Den Lilla Kvelven (1995) - kammermusikk, med tekstar av Jon Fosse Draumespor (1996) - pop/viser, med tekstar av William Shakespeare og Tarjei Vesaas Brytningstid (1997) - Tingingsverk Melk og Honning (1998) - bedehussongar One Day In October (1998) - jazz Det Var Ein Gong (1998) - singel Blod og Bensin (2000) - pop/rock/viser Fløyel (2004) - samling med blanding av gamle og nye låtar
Andre plateinnspelingar Kenneth Sivertsen/Eyvind Solås/Magnar Åm (1990) - inkl. Sivertsens komposisjon "For Ope Hav" Herborg Kråkevik: Mi Haugtussa (1995) - produsert og tonesett av Kenneth Sivertsen Hansakvartetten: Musikk av Hvoslef, Bergh og Sivertsen (2002) - inkl. "Steingarden"
Kjelder
Kategori:Norske gitaristar Kategori:Norske songarar Kategori:Folk frå Bømlo