Ole Frithjof Bettum () var ein norsk advokat, forretningsmann og politikar frå Sandefjord, busett i Sandar. Han var stortingsrepresentant 1945–1949 for Høgre frå Vestfold.
Bettum tok artium i 1918 og vart cand.jur. i 1924. Frå 1926 til 1976 dreiv han eiga sakførarforretning i Sandefjord. I tida 1955–69 var han ein av tre partnerar i Anders Jahres Rederi.
Bettum var medlem av Sandar kommunestyre frå 1928 til 1937 og 1945 til 1955. Valperioden 1932–1934 var han varaordførar i kommunen. Gjennom stortingsvalet 1945 fekk han plass i Stortinget 1945–1949. På Tinget hadde han sete i Lagtinget og han var medlem i Utanriks- og konstitusjonskomiteen. Han vart ikkje attvald i stortingsvalet 1949, men var vararepresentant 1950–1953.
Kjelder
Kategori:Stortingsrepresentantar 1945-1949 Kategori:Stortingsrepresentantar frå Høgre Kategori:Stortingsrepresentantar for Vestfold Kategori:Vararepresentantar til Stortinget Kategori:Lokalpolitikarar i Sandar Kategori:Høgrepolitikarar i Vestfold Kategori:Norske juristar Kategori:Norske skipsreiarar Kategori:Folk frå Sandefjord