Agnes Bernelle (fødd Agnes Elisabeth Bernauer; ) var ein tyskfødd skodespelar og songar som budde i England og så i Irland i mange år. Ho spelte i over 20 filmar og hadde òg scene- og fjernsynsroller.

Familien hennar flykta frå Berlin i 1936. Under andre verdskrigen var ho radiovert for «svart propaganda» for Political Warfare Executive med kodenamnet «Vicky».David Alexander, 17. mars 1999 Obituary: Agnes Bernelle, Independent.co.uk; vitja 7. februar 2018.

Biografi Bernelle var katolikk. Ho konverterte til katolisismen på midten av 1930-talet i lag med faren sin, Rudolf Bernauer, som var ungarsk jøde. Den tyske mora hennar, Emmy (fødd Erb), var protestant.

Under andre verdskrigen blei ho involvert i topphemmelege radiosendingar for britiske spesialoperasjonar. Med kringkastingar frå Woburn Abbey saman med eit topphemmeleg projekt, Enigma, blei ho introdusert for svart propaganda. Ho blei rekruttert for tysk-evnene sine og blei foreslått av far sin etter at han var blitt rekruttert for teater- og tyske sambanda sine. Ho opererte under kodenamnet «Vicky».

Radiosendingane hennar på Deutscher Kurzwellensender Atlantik blei kringkasta til Tyskland og var hovudsakleg mynta på å spreia forvirring og senka moralen blant tyske styrkar, i tillegg til å vera fylte med kodemeldingar til motstandskjemparar på Kontinentet som var forkledde som plateselskap og tal.

Ei ofte gjenteken soge er at ei melding kringkasta av Bernelle gjorde at ein ubåtkaptein overgav seg ved å informera han om at kona hans, som han ikkje hadde sett i to år, hadde fødd tvillingar.

Seinare år Som internasjonal kabaretsongar samarbeidde Bernelle med artistar som Marc Almond, Elvis Costello, Tom Waits og The Radiators.http://irishrock.org/irodb/bands/radiators.html The Radiators Ho gav ut tre album. Det fyrste, Bernelle on Brecht and... blei produsert av Philip Chevron frå The Radiators og utgitt i lite antal av Midnite Music Company i 1977. I 1985 gav ho ut Fader's Lying Dead on the Ironing Board, som også var produsert av Chevron. Det blei følgt opp i 1988 av albumet Mother, The Wardrobe is full of Infantrymen produsert av selskapet Some Bizzare. Dei to fyrste albuma har songar frå Weimar-kabaretar (far hennar Rudolf Bernauer eigde og dreiv tre kabaretteatar i Berlin på denne tida), og det tredje har meir moderne oppdateringar av forma med songar av Tom Waits og Roger McGough. Ho song òg duett med Marc Almond på albumet hans The Stars We Are, på songen «Kept Boy».

I 1978 spelte Bernelle i ei Off Broadway-oppsetjing i New York i den amerikanske premieren av Bertolt Brecht sitt verk Downfall of the Egotist Johann Fatzer. Oppsetjinga var med Shelter West Theatre Company på Vam Dam Theatre med regi av W. Stuart McDowell, med original musikk til balladar sungne av Bernelle, komponert av den Tony Award-vinnande komponisten Bruce Coughlin.

Privatliv Bernelle var gift frå 1945 til 1969 med Desmond Leslie (1921-2001). Leslie blei kortvarig kjend for å ha gått til åtak på Bernard Levin under ei direktesending av That Was the Week That Was i 1962 for å ha skrive ei dårleg melding av ei av førestillingane til kona hans. Førestillinga var An Evening of Savagery and Delight og hadde hatt særs gode meldingar ved Dublin Festival, men varte berre i tre veker på Duchess Theatre i London, og polariserte publikum. Bernelle sjølv posta både dårlege meldingar og gode utanfor teateret.

Paret hadde tre barn.

Dei siste åra av livet sitt budde ho med partneren, historikaren og forfattaren Maurice Craig, i Sandymount i County Dublin. Sjølvbiografien hennar Fun Palace kom ut i 1995.

Filmografi i utval

Caesar and Cleopatra (1945), lady in waiting (uncredited) Woman to Woman (1947) But Not in Vain (1948), Mary Meyer The Missing Princess (1949), The Baroness Stranger at My Door (1950), Laura Riordan Over the Garden Wall (1950) The Quare Fellow (1962), Meg The First Great Train Robbery (1979), woman on platform The Irish R.M. (1985), Mrs. Maguire (1 episode, 1985) Die Wächter (1986, TV miniseries), Mrs. Talbot The Fantasist (1986), Mrs. O'Malley Agnes Bernelle: I Was the Little Girl (documentary, by RTÉ 1989), self Hear My Song (1991), receptionist An Awfully Big Adventure (1995), Mrs. Ackerly The Tale of Sweety Barrett (1998), Mrs. Walsh Still Life (short, 1999), old woman The Collaborators (2008) Short documentary, self (Archive footage)

Diskografi

The Lost Noises Office (1961) 7-inch EP (forteljar) Lullabies for Sleepy Lovers (ukjent år) 7-inch EP Bernelle on Brecht And... (1977) "Kitty Ricketts" c/w "Things" (1979) 7-inch single med The Radiators Father's Lying Dead on the Ironing Board (1985) Kept Boy (1989) duett med Marc Almond. Mother the Wardrobe Is Full of Infantrymen (1990)

Kjelder

Denne artikkelen bygger på «Agnes Bernelle» frå , den 18. mai 2026.

Kategori:Musikarar frå Berlin