mini|Plasseringa av Karthago i Nord-Afrika. Ceterum censeo Carthaginem esse delendam er eit latinsk uttrykk som blir omsett til norsk som ‘Elles meiner eg at Karthago bør øydeleggjast’.
Historikaren Plutark fortel at setninga vart berømt etter at den romerske senatoren Cato den eldre avslutta kvar og ein av talane sine i Senatet med dei orda. Dette var etter ei reise til Karthago i 157 f.Kr., der han i eit forgjeves forsøk på å mekla, vart overvelda av velstanden i byen. Dette førte til hans visse om at Karthago var ein direkte trussel mot Roma. Cato den eldre fekk gjennom sitt syn i den tredje punarkrigen i 146 f.Kr. då Karthago vart lagd i oske.
Ryet til setninga kjem også frå det faktum at han inneheld to karakteristiske storleikar innan latinsk grammatikk, nemleg forma gerundiv (delendam) og konstruksjonen akkusativ med infinitiv (Carthaginem esse). På grunn av dette har sitatet vorte hyppig brukt som illustrasjon av latinlærarar.
Kjelder
Denne artikkelen bygger på «Ceterum censeo Carthaginem esse delendam» frå , den 27. mai 2026.
Kategori:Punarkrigane Kategori:Latinske ord og uttrykk