Hipgnosis var eit britisk designfirma som spesialiserte seg på plateomslag for rockealbum. Det er mest kjend for arbeidet sitt med band som Pink Floyd, Genesis, Led Zeppelin, Yes og Black Sabbath. Hipgnosis bestod hovudsakleg av Storm Thorgerson, Aubrey Powell og Peter Christopherson. Firmaet vart løyst opp i 1983, men Thorgerson heldt fram med å designe plateomslag.
Historie
I 1968 vart Thorgerson og Powell spurt av venene sine i Pink Floyd om dei var interessert i å designe plateomslaget til deira andre album A Saucerful of Secrets. Dette gjorde dei, og byrja å gjere enkelte oppdrag for EMI, inkludert bilete og plateomslag for Free, Toe Fat og The Gods. Sidan begge var film- og kunststudentar kunne dei bruke mørkerommet på Royal College of Art, men då dei var ferdig med studiane måtte dei gjere alt på eiga hand. Dei bygde eit lite mørkerom på badet til Powell, men kort tid etter, tidleg i 1970, leigde dei ein stad der dei kunne bygge eit studio.
Powell og Thorgerson fann namnet på ei grafittiteikning på døra utanfor husværet deira. Dei likte ordet fordi det både likna på ordet «hypnosis» (hypnose) og ein kombinasjon av orda «hip» og «gnosis», som tyder læra om eldgamal historie.
Hipgnosis fekk sitt store gjennombrot i 1973 med plateomslaget til Pink Floyd-albumet The Dark Side of the Moon. Plata i seg sjølv vart svært populær, og plateomslaget har enkelte stader sidan blitt kåra til det beste plateomslag gjennom tidene. Etter dette fekk Hipgnosis oppdrag frå fleire store band som Led Zeppelin, Genesis, UFO, Peter Gabriel og The Alan Parsons Project.
Peter Christopherson vart med i Hipgnosis som assistent i 1974, og vart seinare partnar i firmaet. Firmaet fekk etter kvart mange assistentar og andre tilsette. Ei spesiell sak var at Hipgnosis aldri bad om eit fast honorar på plateomslag dei laga, og bad heller artisten om å «betale det dei meinte arbeidet var verdt». Dette slo berre tilbake på Hipgnosis eit par gonger.
Stil Hipgnosis brukte som nesten alltid fotografi på plateomslaga, og dei var dei første til å ta i bruk forskjellige visuelle teknikkar. Thorgerson og Powell brukte mykje surrealistiske og utførleg manipulerte bilete.
Eit anna kjennemerke med Hipgnosis sine plateomslag var at bileta ofte fortalte «historier» som hadde samanheng med teksten til songane på albumet. Sidan både Powell og Thorgerson var filmstudentar, brukte dei ofte modellar som «skodespelarar» og sette opp ein scene som på eit teater. Plateomslaga til Hipgnosis hadde sjeldan bilete av sjølve bandet på utsida, og ein fann dei stort sett på innsida av omslaget.
Arbeid
Pink Floyd 1968, A Saucerful of Secrets 1969, Ummagumma 1970, Atom Heart Mother 1971, Meddle 1972, Obscured by Clouds 1973, The Dark Side of the Moon 1974, A Nice Pair 1975, Wish You Were Here 1977, Animals 1981, A Collection of Great Dance Songs 10cc The Original Soundtrack, 1975 How Dare You!, 1976 Deceptive Bends, 1977 Bloody Tourists, 1978 Dirty Deeds Done Dirt Cheap, AC/DC, 1976 Audience 1971, House on the Hill 1972, Lunch 1973, You Can't Beat 'em Bad Company Bad Company, 1974 Straight Shooter, 1975 Burnin' Sky, 1977 Desolation Angels, 1979 Rough Diamonds, 1982 The Madcap Laughs, Syd Barrett, 1970 Black Sabbath Technical Ecstasy, 1976 Never Say Die!, 1978 Do They Hurt?, Brand X, 1980 Cunning Stunts, Caravan, 1975 Cochise, Cochise, 1970 Peter Gabriel Peter Gabriel (I), 1977 Peter Gabriel (II), 1978 Peter Gabriel (III), 1980 Genesis The Lamb Lies Down on Broadway, 1974 A Trick of the Tail, 1976 Wind & Wuthering, 1977 ...And Then There Were Three..., 1978 David Gilmour, David Gilmour, 1978 Freeze Frame, Godley & Creme, 1979 Sammy Hagar, Sammy Hagar, 1977 HQ, Roy Harper, 1975 Live Herald, Steve Hillage, 1979 Thunderbox, Humble Pie, 1974 Led Zeppelin Houses of the Holy, 1973 The Song Remains the Same, 1976 Presence, 1976 In Through the Out Door, 1979 Coda, 1982 Fictitious Sports, Nick Mason, 1981 Sakuban oai shimasho, Yumi Matsutoya, 1981 Tug of War, Paul McCartney, 1982 Jump On It, Montrose, 1976 Elegy, The Nice, 1971 The Alan Parsons Project Tales of Mystery and Imagination, 1976 I Robot, 1977 Pyramid, 1978 Eve, 1979 Eye in the Sky, 1982 Savage Eye, Pretty Things, 1975 Difficult to Cure, Rainbow, 1980 A Song for All Seasons, Renaissance, 1978 Back to the Bars, Todd Rundgren, 1978 Lovedrive, Scorpions, 1979 Al Stewart Past, Present and Future, 1974 Modern Times, 1975 Year of the Cat, 1976 Time Passages, 1978 Pieces of Eight, Styx, 1978 Electric Warrior, T. Rex, 1971 Fun in Space, Roger Taylor, 1981 UFO 1974, Phenomenon 1975, Force It 1976 No Heavy Petting 1977 Lights Out 1978 Obsession 1980 No Place to Run 1981 The Wild, The Willing and the Innocent Danger Money, UK, 1979 Uno, Uno, 1974 Wings Venus and Mars, 1975 Wings at the Speed of Sound, 1976 Wings over America, 1976 Argus, Wishbone Ash, 1972 Wet Dream, Richard Wright, 1978 Go 2, XTC, 1978 Yes Going For The One, 1977 Tormato, 1978
Kjelder Kven er kven i Pink Floyd Delvis liste over arbeidet til Hipgnosis Storm Thorgerson si offisielle side
Kategori:Grafiske designstudio Kategori:Pink Floyd Kategori:Designarar av plateomslag