Sartrouville er ein kommune i dei nordvestlege forstadane til Paris i Frankrike. Han ligg 17,1 km frå Paris sentrum, men har eigen bystatus og like over 50 000 innbyggjarar.
Namn Namnet Sartrouville kjem frå det mellomalderlatinske Sartoris Villa. Tydinga av dette vert framleis diskutert. Enkelte meiner at namnet kjem av det romerske slektsnamnet Saturus (kanskje ein gallo-romersk landeigar), og tyder «eigedomen til Saturus». Andre meiner at ordet sartoris kjem frå det mellomalderlatinske perfektum partisippet exsartum («rydda for dyrking»), som gjev tydinga «eigedomen til landryddarane», ein referanse til avskoginga som fann stad rundt Sartrouville i antikken eller tidleg i mellomalderen for å kunne dyrke jorda.
Bakgrunnsstoff
Kategori:Yvelines Kategori:Byar i Frankrike Kategori:Byar i Île-de-France Kategori:Paris