Kinzig er ei elv i Baden-Württemberg sørvest i Tyskland, og ei av sideelvane til Rhinen frå høgre med ei lengd på 95 km. Kinzigdalen og dei tilhøyrande sidedalane utgjer det største dalsystemet i Schwarzwald, som elva renn gjennom. Avhengig av kva definisjon ein nyttar er Kinzig anten grensa mellom den nordlege og sentrale delen av Schwarzwald, eller ein del av dei sentrale områda.
Under den siste istida danna Kinzig og Murg eit felles elvesystem.
Geografi Kinzig har sitt utspring nær Loßburg i landkreis Freudenstadt. Først renn ho sørover, men snur gradvis vestover. Ho renn ut av Freudenstadt etter Alpirsbach, og er så vidt innom landkreis Rottweil og held så fram gjennom Ortenau. Kinzig renn ut av Schwarzwald nær Offenburg og munnar ut i Rhinen nær Kehl. Den øvre delen av Kinzig er ei fjellelv, som stundom har skapt alvorlege flaumar.
Sideelvar Dei følgjande elvane munnar ut i Kinzig: Rötenbach Litle Kinzig Schiltach Wolfach Gutach Harmersbach Schutter
Byar langs Kinzig Frå kjelda til munningen: Loßburg Alpirsbach Schenkenzell Schiltach Wolfach Gutach Hausach Fischerbach Haslach im Kinzigtal Steinach Biberach Gengenbach Berghaupten Ohlsbach Ortenberg i Baden Offenburg Willstätt Kehl
Kjelder Denne artikkelen bygger på «Kinzig (Schwarzwald)» frå , den 11. juni 2007.
Bakgrunnsstoff
Turisme i Kinzigdalen Informasjon og bilete
Kategori:Sideelvar til Rhinen Kategori:Elvar i Tyskland Kategori:Baden-Württemberg