mini|Kart over Krøderbanen, 1902 mini|Krøderen stasjon frå 1872 teikna av arkitekt Georg Andreas Bull. mini|Sysle stasjon mini|NSB type 24 på Krøderen stasjon Krøderbanen er eit jarnbanespor på 26 km som går mellom Vikersund og Krøderen i Buskerud. Banen blei opna i 1872 og vart særleg nytta til tømmertransport. Passasjertrafikken blei lagt ned i 1958, og godstrafikken fortsette til 1985. Stortinget vedtok same år at Krøderbanen saman med Krøderen stasjon skulle takast vare på for ettertida som museumsjarnbane.
Sommarstid køyrer Norsk Jernbaneklubb tog med damplokomotiv på Krøderbanen og dette har blitt ein turistattraksjon. Endestasjonen Krøderen stasjon er blitt til jarnbanemuseum.
I tillegg til endestasjonane stoppar Krøderbanen òg ved Snarum stasjon, Sysle stasjon og Kløftefoss stoppestad.
Linjekart
Historikk Ved opninga i 1872 var Krøderbanen smalspora med ei sporvidde på 1067 mm, men vart bygt om til normalspor på 1435 mm i 1909. Tømmertransport frå Hallingdal til Drammen var den viktigaste kjelda til innkomme for banen.
Frå Krøderen stasjon i den sørlege delen av innsjøen var det samband med dampbåt til Gulsvik. Båtturen tok 2 1/2 time med D/S «Haakon Adelsten», «Krøderen» og «Norefjeld». Siste dampbåt gjekk i 1925. Da strekninga Voss-Gulsvik på Bergensbanen vart teken i bruk i 1908 var det stor trafikk på Krøderbanen, men etter at Bergensbanen opna til Hønefoss og Oslo i 1909 var det berre lokaltrafikk.
Freding Stasjonsområdet på endestasjonen Krøderen er freda saman med rundt 2,6 kilometer av banen.
Olavsrosa Krøderbanen er tildelt Olavsrosa.
Kjelder
__NOTOC__ Kategori:Norske jarnbanar Kategori:Jarnbane i Buskerud Kategori:Samferdsle i Krødsherad Kategori:Skipingar i 1872 Kategori:Nedleggingar i 1985 Kategori:Kulturminne i Krødsherad Kategori:Olavsrosa Kategori:1872 i Noreg Kategori:Freda bygg i Buskerud Kategori:Norske museumsjarnbanar Kategori:Byggverk i Krødsherad