Måna er ei elv som renn gjennom Måndalen i Rauma kommune. Ho startar i Månvatnet, men fleire sideelvar knyter seg til vassdraget før elva renn ut i Vollabukta. Måna har vore ei god lakseelv, men har som mange andre elvar i distriktet vore plaga med gyrodactylus salaris. Fiske har derfor i dei seinare åra gått tilbake. Samtidig har innslaget av oppdrettsfisk auka.
Den viktigaste sideelva er Vemora som renn gjennom sidedalen Volladalen. Det kan gå laks i den nedre delen av Vemora.
Kategori:Geografi i Rauma Kategori:Elvar i Møre og Romsdal