Kirkenes kyrkje er ei langkyrkje som står i Kirkenes i Sør-Varanger kommune i Finnmark. Kyrkja er frå 1959 og er bygd i betong med sitjeplassar til 275 personar. Arkitekt for bygget var Sofus Hougen. Inventaret i kyrkja er frå byggeåret eller seinare. Altertavla er laga av Kristoffer Leirdal og viser barnet i krubba under stjerna og Kristus på krossen. Leirdal har òg laga døypefonten, medan preikestolen er laga av Sivert Donali.
mini|venstre|Gamlekyrkja fotografert i 1928. Bygget brann ned under andre verdskrigen. Kirkenes kyrkje er soknekyrkje i Sør-Varanger sokn i Varanger prosti.
Den fyrste kyrkja på staden vart innvigd i 1862, og staden fekk namnet Kirkenes på grunn av kyrkja. Dette var ei åttekanta trekyrkje som var teikna av Christian Heinrich Grosch. Gamlekyrkja stod til 1944 då ho, som nær alt anna i byen, vart øydelagd under den massive bombinga før frigjeringa. Kyrkja brann då heilt ned til grunnen. Etterpå vart kyrkjespiret attfunne i ruinane og teke vare på og det er no i den noverande kyrkja.
Kjelder Redaktør: Alf Henry Rasmussen – Våre kirker : norsk kirkeleksikon. Vanebo Forlag, Kirkenær 1993. ISBN 82-7527-022-7 - «Kirkenes kirke», s. 87 «Kirker og kapell» på nettstaden til Sør-Varanger kyrkjelyd
Referansar
Bakgrunnsstoff Om Sør-Varanger sokn på nettstaden til Den norske kyrkja Om Kirkenes kyrkje i Arkitekturguide Nord-Norge «Kirkens kirke, Sør-Varanger» i Kyrkjesøk, kyrkjebyggdatabasen Kart frå 1979 som viser kyrkjestader og soknegrenser, på nettstaden til Universitetet i Bergen «Kirkebøker, Finnmark» på nettstaden til Arkivverket Fotografi av kyrkjene i Sør-Varanger sokn
Kategori:Kyrkjer i Sør-Varanger Kategori:Kyrkjer i Varanger prosti Kategori:Norske kyrkjer frå 1959 Kategori:Kulturminne i Sør-Varanger Kategori:Langkyrkjer i Nord-Hålogaland bispedømme