mini|Plasseringa til Tilloøyane og Bukhta Voskresenskogo på kysten av Karahavet. mini|Tilloøyane utanfor Bukhta Voskresenskogo Tilloøyane (russisk Острова Тилло; Ostrova Tillo) er ei gruppe av småøyar i Karahavet i Russland. Dei ligg like utanfor kysten av Tajmyrhalvøya i Sibir og er dekte av tundravegetasjon. Dei fleste øyane ligg berre 3–4 km frå kysten.
Den største øya i gruppa er Usatsjøya, òg kalla Tilloøya. Ho er 7 km lang og nesten 2 km på det breiaste i aust. Det er ein innsjø på sørsida i vest, som berre er skild frå havet av ei smal landtunge. Øya ligg ved munningen av ei grunn bukt kalla Bukhta Voskresenskogo. Bukta grensar i vest til Poljarnikhalvøya.
Havet omkring Tilløyane er dekt av fast is om vinteren, som er lang og bitter. Sjølv om sommaren er det isflak i havet omkring, så dei er landfaste med kontinentet det meste av året.
Øyane høyrer til Krasnojarsk kraj og er ein del av Det store arktiske statlege naturreservatet, det største naturreservatet i Russland og Europa.
Historie Tilloøyane vart utforska av den arktiske geologen og vitskapsmannen baron Eduard Toll under den russiske polekspedisjonen på skipet «Zarja» i 1900-1902. Ekspedisjonen var finansiert av Det russiske vitskapsakademiet og skulle utforske nordkysten av Russland.
Øygruppa er kalla opp etter Oleksij Tillo (fødd i Kiev i 1839), ein framståande ukrainsk geograf, kartograf og landmålar.
Kjelder
Denne artikkelen bygger på «en:» frå , den 13. august 2008. oppgav desse kjeldene: Naturreservat Baron Toll Aleksij Tillo
Sjå òg Karahavet Nysibirøyane
Kategori:Øyar i Arktis Kategori:Øyar i Russland Kategori:Karahavet Kategori:Krasnojarsk kraj