Jim Svenøy () er ein norsk tidlegare friidrettsutøvar frå Elnesvågen i Fræna i Møre og Romsdal. Han vann bronsemedaljen på 3000 m hinder under EM 1998 i Budapest. Han var etter tur medlem av Elnesvågen IL, Fræna Friidrettsklubb (1993-2002) og IL Vidar (frå 2003). Han er 1,85 m høg og hadde ei tevlingsvekt på 69 kg.
Han vart norgesmeister på 3000 m hinder i tolv år på rad. Hans klart beste løp i eit NM kom i 1997 då han vann på tida 8.20.1. Hans første NM-tittel kom i 1992 då han vann 1500-meteren. I 1996 vart han dobbelmeister, i tillegg til hinderløpet vann han 5000 m.
Svenøys bestetid på spesialdistansen 3000 m hinder kom under eit stemne i Brussel, 22. august 1997. Han vart då nummer 7 på tida 8.12.0, det er framleis gjeldande norsk rekord. To veker tidlegare sette han norsk rekord på 8.14.8 då han vart kom på sjuandeplassen i VM. Tre gongar sprang han fortare enn 8.15.0, alle tre i august månad 1997. Året etter var han mellom favorittane i europameisterskapet, som enda med bronsemedalje. Hans personlege rekordar på både 1550 m , 3000 m og 5000 m er alle sette på ein nyårsdag, 1. januar. Dei er på høvesvis 3.40.4 (1500 m, 1999), 7.45.3 (3000 m, 1998) og 13.37.1 (5000 m, 1996).
Medaljar og plasseringar i internasjonale meisterskap VM 1993 i Stuttgart: Utslått i kvalifiseringsheat (8.29,3) EM 1994 i Helsingfors: 7. plass, 8.28,1 VM 1995 i Göteborg: Utslått i semifinale (8.40,5) Sommar-OL 1996 Atlanta: 8. plass, 8.23,3 VM 1997 i Aten: 7. plass, 8.14,8 EM 1998 i Budapest: Bronsemedalje, 8.18,9 VM 1999 i Sevilla: Utslått i kvalifiseringsheat (8.23,0) Sommar-OL 2000 Sydney: 9. plass, 8.27,2 VM 2001 i Edmonton: Utslått i kvalifiseringsheat (8.35,7) EM 2002 i München: Utslått i kvalifiseringa (8.38,8) VM 2003 i Paris: Utslått i kvalifiseringsheat (8.33,7) Sommar-OL 2004 i Athen: Utslått i kvalifiseringsheat (8.33,9)
Medaljar i norske meisterskap 1500 m: Gull: 1992 Sølv: 1993-94 Bronse: 1992 5000 m: Gull: 1996 Sølv: 1997 3000 m hinder: Gull: 1993-2004
Personlege rekordar og årsbeste, 3000 m hinder År 1991 1992 1993 1994 1995 1996 1997 1998 1999 2000 2001 2002 2003 2004 2005 2006 Tid 8.50.0 ? 8.28.5 8.28.1 8.18.2 8.19.7 8.12.0 8.15.2 8.16.5 8.23.6 8.21.6 8.38.8 8.31.5 8.19.7 8.28.8 8.52.0
Kjelder iaaf.org friidrett.no
Kategori:Norske hinderløparar Kategori:Norske mellomdistanseløparar Kategori:Norske deltakarar under sommar-OL 1996 Kategori:Friidrettsutøvarar under sommar-OL 1996 Kategori:Norske deltakarar under sommar-OL 2000 Kategori:Friidrettsutøvarar under sommar-OL 2000 Kategori:Norske deltakarar under sommar-OL 2004 Kategori:Friidrettsutøvarar under sommar-OL 2004 Kategori:Folk frå Fræna