Kvassheim fyrstasjon er eit fyr i Hå kommune på Jæren i Rogaland. Det vart bygd i 1912 og vart det siste leddet i utbygginga av fyra på Jæren.
Stasjonen dannar eit system i lag med Obrestad og Feistein fyr, som begge vart bygd for å leie trafikken trygt forbi jærkysten. Trass i at det var to andre fyr på Jæren, var det stadig forlis, og i 1906 vart det bygd eit tåkesignal med knall like sør for der Kvassheim fyr står i dag. Dette tåkesignalet vart nedlagd då fyret vart bygd i 1912. Fyret vart ustyrt med tåkelur som igjen vart erstatta med tyfon i 1956. I 1990 vart fyret automatisert og avfolka.
I 2002 vart fyret gjeve Jæren Friluftsråd, og arbeidet med å pusse opp, restaurere og bygge om det gamle fyret starta. I dag vert fyret òg kalla Friluftsfyret Kvassheim og det er i dag kafé i den gamle fyrbygningen.
Sjå òg Fyr i Noreg Fyrstasjonar i drift i Noreg
Kjelder
Kategori:Fyr i Rogaland Kategori:Byggverk i Hå