mini|Åkle av nyare dato etter gammalt mønster frå Flesberg i Buskerud. Åkle eller åklede (mellomnorsk áklædi, 'på-klede') er ein mønstra, grov vevnad frå norsk bygdekultur. Det blei opphavleg brukt som sengeteppe, ofte oppå ein skinnfell, men har også vore brukt til å utsmykka kyrkjerom og opphaldsrom ved særskilde høve, som jul og bryllaup. Frå 1900-talet er åkle helst blitt sett på som prydtekstil som kan leggast på overflater eller hengjast opp på veggen.
Åkle fanst i mange ulike mønster og blei laga med mange ulike vevteknikkar, som rutevev, rosengang, krokbragd og skillbragd. I dag er rutevev på toskaftsvev mest vanleg. Vevnaden er typisk mangefarga med mønster laga av geometriske figurar.
Kjelder
Denne artikkelen bygger på «Åkle» frå , den 23. oktober 2008.
Kategori:Veving Kategori:Norsk bondekultur Kategori:Norsk tekstilkunst Kategori:Prydtekstilar