Southland (maori Murihiku) er namnet på den sørlegaste regionen på New Zealand, og også namnet på eit distrikt i denne regionen. Regionen ligg lengst sør på Sørøya, og omfattar også den tredje største øya på New Zealand, Stewart Island/Rakiura, som ligg sør for Sørøya.
Historie Southland Province (ein mindre del av den noverande regionen som låg kring Invercargill) var opphavleg ein del av provinsen Otago, men området danna sin eigen provins frå 1861 til 1870. Han gjekk då saman med Otago Province att på grunn av økonomiske vanskar, inntil provinsstyret opphøyrde i 1876.
Demografi og administrasjon mini|venstre|Kartet viser folketettleiken i Southland ved folketeljinga i 2006. Klikk på kartet for å sjå teiknforklåringa.
Busetnader Dei to største og viktigaste bymessige områda i Southland er byen Invercargill og den mindre byen Gore. Southland dekkjer eit område på 28 681 m². I 2020 hadde regionen 102 600 innbyggjarar. Det store vestlege området i regionen, Fiordland, er nesten utan permanent menneskeleg busetnad.
Styresett Southland Regional Council (Environment Southland) representerer regionalstyresmaktene og har sete i Invercargill.
Tre distrikt (Territorial Local Authorities) ligg innanfor Southland: Invercargill City Council administrerer sjølve byen Invercargill, og mindre tilstøytande landdistrikt. Southland District består av det meste av regionen, inkludert heile øya Stewart Island/Rakiura, og setet for distriktsstyret ligg i Invercargill. Gore District Council administrerer byen med same namn og landdistrikta omkring.
Nasjonalparkar og turisme Nasjonalparken Fiordland National Park, som har ei flatevidd på 7 860 km², ligg i Southland. Southland omfattar òg Stewart Island/Rakiura, der mykje av landområdet er verna som Rakiura National Park.
Turisme er ein viktig faktor i økonomien til Southland. I 2003 la tilreisande att 368 millionar NZ$, av dette 92 millionar NZ$ i Fiordland.Milford Sound Transport - Issues and Options (GHD Ltd for Venture Southland, 2005)
Sjå òg Fiordland Stewart Island/Rakiura
Kjelder
Denne artikkelen bygger på «Southland Region» frå , den 18. november 2008.
Bakgrunnsstoff
Kategori:Regionar på New Zealand