Surfer Girl er det tredje studioalbumet til The Beach Boys og det andre albumet deira som kom ut i 1963. Dette var det første albumet til The Beach Boys der Brian Wilson står som produsent.
Surfer Girl nådde 7. plass i USA og låg på lista her i 56 veker. I Storbritannia vart albumet gjeve ut på ny våren 1967 og nådde då 13. plass her. Surfer Girl finst i dag på CD i lag med Shut Down Volume 2 og bonusspor frå denne tida, inkludert ei tyskspråkleg utgåve av «In my Room».
Soge Tittelsporet, som nådde 7. plass på singellista i USA, var den første Brian Wilson skreiv, 19 år gammal, med «When You Wish Upon A Star» som mal. Songen var ein ballade og var eit risikabelt val som singel, men kvaliteten som låg i songen gjorde han likevel til ein kommersiell suksess. B-sida på singelen, «Little Deuce Coupe», var den mest suksessrike B-sida til The Beach Boys og nådde 15. plass i USA. Dei opphald slik òg tradisjonen deira med å setje ein surfesong på A-sida og ein bilsong på B-sida. Syster til Mike Love, Maureen, spelte harpe på «Catch a Wave», medan «The Surfer Moon» var den første Beach Boys-songen med strykearrangement. «In My Room» var truleg den første personlege songen Brian Wilson skreiv og omhandla ein stad ein kan trekke seg tilbake til og slappe av frå mas og jag.
Albumet selde til gull i USA.
Innhald
Medverkande The Beach Boys Al Jardine – kor og harmonivokal; bassgitar; handklapping Mike Love – solovokal, kor- og harmonivokal; handklapping David Marks – rytmegitar; handklapping Brian Wilson – solo-, kor- og harmonivokal; bassgitar; piano, orgel; handklapping Carl Wilson – kor- og harmonivokal; sologitar, bassgitar; handklapping Dennis Wilson – solo-, kor- og harmonivokal; trommer, handklapping
Andre musikarar og produksjon Hal Blaine – trommer, perkusjon Steve Douglas – tenorsaksofon Maureen Love – harpe
Salslister Album ÅrListePlassering 1963 US Billboard 200 Albums Chart7 1967 UK Top 40 Album Chart13
Singlar ÅrSingelListePlassering 1963 «Surfer Girl» US Billboard Hot 100 Singles Chart7 1963 «Little Deuce Coupe» US Billboard Hot 100 Singles Chart15 1963 «In My Room» US Billboard Hot 100 Singles Chart23
Kjelder
Denne artikkelen bygger på «Surfer Girl» frå , den 25. august 2009. oppgav desse kjeldene: Surfer Girl/Shut Down Volume 2 CD-hefte, David Leaf, c.1990. «The Nearest Faraway Place: Brian Wilson, The Beach Boys and the Southern California Experience», Timothy White, c. 1994. «Wouldn't It Be Nice - My Own Story», Brian Wilson og Todd Gold, c. 1991. «Top Pop Singles 1955-2001», Joel Whitburn, c. 2002. «Top Pop albums 1955-2001», Joel Whitburn, c. 2002. Allmusic.com
Bakgrunnsstoff Greg Panfile sin musikalske analyse av «Surfer Girl» Greg Panfile sin musikalske analyse av «In My Room» Tekstar til Surfer Girl
Kategori:Musikkalbum frå 1963 Kategori:The Beach Boys-album Kategori:Surfealbum Kategori:Musikkalbum produserte av Brian Wilson Kategori:Capitol Records-album