Karl Olav Straume () var ein norsk kunstmålar frå Hovdebygda i Ørsta. Han fornorska etternamnet sitt frå Strømme til Straume.
Foreldra var fanejunker Ola R. Strømme (1842-1908) og Ane Petrine, fødd Hovden, som var syster til Anders Hovden. Karl Straume var farbror til kunstmålaren Olav Strømme.
Karl Straume tok lærarutdanning og arbeidde i skulen i 3 år, før han bestemte seg for å bli kunstnar. Han utdanna seg ved Kunstakademiet under Chr. Krohg og Halfdan Strøm og seinare Acedemie Moderne under Friesz i Paris. Han debuterte i Aalesunds kunstforening i 1910, og var representert på Haustutstillinga i 1914. Karl Straume arbeidde mest med oljemåleri, men laga også tresnitt og arbeidsteikningar til biletvev.
Karl Straume var med å starte Møre kunstnerlag i 1931 og var formann i foreininga i 15 år. Møre kunstnerlag heiter no Bildende kunstnere Møre og Romsdal. Straume var formann i styret for Ivar Aasen-museet frå 1946 til 1967.
Straume skreiv dikt, og fekk i 1967 gitt ut diktsamlinga Lilja i dalen på Lunde forlag.
I 1961 fekk Karl Straume Kongens fortenestmedalje i gull.
Kjelder
Ivar Aasen-tunet - Straume, Karl Kulturnett.no om Karl Straume
Kategori:Norske målarar Kategori:Norske lyrikarar Kategori:Målfolk Kategori:Kongens fortenestmedalje i gull Kategori:Folk frå Ørsta