Langnebbsymjesnipe, tidlegare kvithalesymjesnipe, (Phalaropus tricolor) er ein liten vadefugl som hekkar på prærien i Nord-Amerika, overvintrar i sentrale Andes i Sør-Amerika og er ein sjeldan gjest i Vest-Europa.
Skildring Langnebbsymjesnipa er den største av alle symjesnipene, ca. 23 cm i lengd, har «symjeflikar» og eit rett, tynnt svart nebb. Dei hekkande hofuglane har grå og brun oversida, med kvit underside, ein raudleg hals og raude sideflekker. Hannar i hekkedrakt har bleikare farger, med en brun rygg, og dei raudlege flekkene er reduserte eller fråverande. Ungfuglar er gråe og brune over, med kvitaktig underside. Den tydeleg svarte augemaska manglar på dei yngste. Om vinteren er fjørdrakta hovudsakleg grå over og kvit under, men den mørke augeflekken er alltid til stades.
Langnebbsymjesnipa er uvanleg sterkt knytt til salt og beitar i store tal under migrasjon på saltvassjøar som for eksempel Mono Lake i California og Store saltsjø i Utah, ofte saman med symjesnipe. Til likskap med polarsymjesnipa og symjesnipa har langnebbsymjesnipa omvendte kjønnsroller, men til forskjell frå dei andre to artane er ikkje langnebbsymjesnipa pelagisk.
Sjølv om denne arten er svært vanleg, har populasjonen gått ned i enkelte område på grunn av tap av våtmarkshabitat på prærien. Nokon få kvile og beiteplassar er av avgjerande tyding under migreringa.
Sporadisk i Noreg Per 1. september 2021 har artsobservasjoner.no fire registreringar i Noreg, den siste i Flakstad kommune i august 2021.
Kjelder Denne artikkelen bygger dels på «Wilson's Phalarope» frå , den 26. september 2009, artikkelen gav føljande kjelder: Hayman, Peter; Marchant, John & Prater, Tony (1986): Shorebirds: an identification guide to the waders of the world. '''' Houghton Mifflin, Boston. ISBN 0-395-60237-8 Herrera, Néstor; Rivera, Roberto; Ibarra Portillo, Ricardo & Rodríguez, Wilfredo (2006): Nuevos registros para la avifauna de El Salvador. Boletín de la Sociedad Antioqueña de Ornitología'' 16(2): 1-19. [Spansk med samandrag på engelsk] PDF tekst Referansar
Bakgrunnsstoff
Kategori:Snipefamilien Kategori:Streiffuglar i Noreg