«Blowin' in the Wind» er ein song skriven av Bob Dylan frå albumet The Freewheelin' Bob Dylan i 1963. Sjølv om songen har vorte skildra som ein protestsong, stiller han ei rekkje retoriske spørsmål om krig, fred og fridom. Refrenget «The answer, my friend, is blowin' in the wind» har vorte skildra som «djupt fleirtydig: anten er svaret så opplagt at det rett føre augo dine, eller så er svaret like uhandgripeleg som vinden».Mick Gold, "Life & Life Only: Dylan at 60" i magasinet Judas! April 2002, s. 43

I 1999 vart songen innlemma i Grammy Hall of Fame. I 2004 vart han rangert på 14. plass på lista til musikkmagasinet Rolling Stone over dei 500 største songane gjennom tidene.

Opphav og første reaksjon mini|Påskeliljer som bles i vinden.

Dylan skreiv og framførte opphavleg to vers av songen. Den første offentlege framføringa var på Gerde's Folk City den 16. april 1962, som er spelt inn og sirkulerer mellom Dylan-samlarar. Kort tid etter denne framføringa, la han til eit vers til i midten av songen. Songen vart trykt første gong i mai 1962 i den sjette utgåva av magasinet Broadside, som var grunnlagd av Pete Seeger og som omhandla høvessongar.Williams, Dylan: a man called alias, 42

I juli 1962 vart songen trykt i Sing Out! med kommentar av Dylan:

I omslaget til The Bootleg Series Volumes 1-3 (Rare & Unreleased) 1961-1991 skriv John Bauldie at det var Pete Seeger som først identifiserte melodien i «Blowin' in the Wind» som ei utgåve av den gamle negro spiritual-songen «No More Auction Block». I følgje The Folk Songs of North America av Alan Lomax kom songen frå Canada og vart sunge av tidlegare slavar som hadde flykta dit etter at britane opphevde slaveriet i 1833. Dylan stadfesta dette under eit intervju i 1978.Sitert i omslaget på The Bootleg Series Volumes 1-3 (Rare & Unreleased) 1961-1991 Dylan si utgåve av sjølve «No More Auction Block» vart spelt inn på Gaslight Cafe i oktober 1962 og dukka opp på The Bootleg Series Volumes 1-3 (Rare & Unreleased) 1961-1991

Dylan-kritikar Michael Gray har foreslått at teksten er eit døme på at Dylan nyttar bibelsk retorikk i sin eigen stil. Ein del som går om att fleire gonger i Det nye testamentet og basert på ein tekst frå Esekiels bok (12:1–2) er: «The word of the Lord came to me: 'Oh mortal, you dwell among the rebellious breed. They have eyes to see but see not; ears to hear, but hear not.»«Herrens ord kom til meg, og det lydde så: 'Menneske, du bur midt iblant ei trassig ætt, eit folk som har augo å sjå med, men ikkje ser, og øyro å høyra med, men ikkje høyrer; for ei trassig ætt er dei'.» I «Blowin' in the Wind» gjer Dylan dette om til «Yes'n' how many ears must one man have ...?» og «Yes' n' how many times must a man turn his head / Pretending he just doesn't see?»Gray, 2006, The Bob Dylan Encyclopedia, s. 63–64.

«Blowin' in the Wind» har vorte skildra som ein hymne for borgarrettsrørsla i 1960-åra. I Martin Scorsese-dokumentaren om Dylan, No Direction Home, fortel Mavis Staples at ho vart forbausa då ho først høyrte songen og sa at ho ikkje kunne forstå korleis ein ung, kvit mann kunne skrive noko som fanga frustrasjonen og lengselen til svarte folk på ein så sterk måte.

Sam Cooke var òg så djupt imponert av songen at han byrja å spele han på konsertane sine. Han skreiv seinare eit svar til songen, «A Change Is Gonna Come», i 1964.Gray, The Bob Dylan Encyclopedia, 149-150

«Blowin' in the Wind» vart ein internasjonal hit med Peter, Paul and Mary, som òg hadde Albert Grossman som manager. Singelen selde 300 000 eksemplar den første veka han kom ut. 13. juli 1963 nådde songen andreplassen på Billboard-lista og hadde seld over ein million.

Kritikar Andy Gill skreiv: «'Blowin' in the Wind' markerte eit stort sprang i låtskrivinga til Dylan. Før dette hadde han songar som 'The Ballad of Donald White' og 'The Death of Emmett Till', men 'Blowin' in the Wind' var annleis. For første gong oppdaga Dylan kor effektivt det var å gå bort frå eit særeige tema til det generelle. Medan 'The Ballad of Donald White' ville verte heilt overflødig så snart denne personen var avretta, ville ein song så vag som 'Blowin' in the Wind' kunne nyttast om alle slags fridomssaker. Det er songen som Dylan er uoppløyseleg knytt til og som markerte han som ein tilhengjar av fridomsprinsippet enn nokon annan song.»Gill, My Back Pages, 23

Dylan spelte songen første gong på fjernsyn i Storbritannia i januar 1963, då han var med i teaterstykket Madhouse On Castle Street på BBC.

Politisk ettermæle mini|Ei kvit due er eit fredssymbol som også blir brukt som bilete i songen.

Songen vart ein av dei mest populære antikrigssongane i 1960-åra og under Vietnamkrigen. Under protestar mot Irak-krigen merka kommentatorane seg at demonstrantane nytta songar som «Blowin' in the Wind» i staden for å lage nye.

I 1997 spelte Bob Dylan tre andre songar under ei katolsk kyrkjesamling. Pave Johannes Paul II heldt etterpå ei preike for om lag 300 000 unge italienske katolikkar basert på teksten i «Blowin' in the Wind»

Andre utgåver «Blowin' in the Wind» ar vorte spelt av fleire hundre andre artistar. Den mest suksessrike var utgåva til folketrioen Peter, Paul and Mary.

Andre utgåver er gjort av The Hollies, Chet Atkins, Dolly Parton, Judy Collins, Marianne Faithfull (singel i 1964), The Seekers, Sam Cooke, Etta James, Duke Ellington, Neil Young, the Doodletown Pipers, Marlene Dietrich, Bobby Darin, Bruce Springsteen, Elvis Presley, Stevie Wonder (som nådde Topp 10 med songen i 1966), John Fogerty, The Hooters og Me First and the Gimme Gimmes.

Bakgrunnsstoff Teksten

Fotnotar

Kjelder Denne artikkelen bygger på «Blowin' in the Wind» frå , den 17. oktober 2009. oppgav desse kjeldene:

Kategori:Songar frå 1962 Kategori:Songar produserte av John Hammond Kategori:Singlar frå 1963 Kategori:Songar skrivne av Bob Dylan Kategori:Bob Dylan-songar Kategori:Songar på toppen av Billboard Adult Contemporary-lista Kategori:Songar på toppen av Billboard Hot R&B/Hip-Hop Songs-lista Kategori:Singlar frå 1966 Kategori:Protestsongar Kategori:Antikrigssongar Kategori:Grammy Hall of Fame Award Kategori:USA-amerikanske folkeviser Kategori:Columbia Records-singlar Kategori:Warner Bros. Records-singlar Kategori:Decca Records-singlar Kategori:Songar produserte av Albert Grossman Kategori:Elvis Presley-songar Kategori:Glen Campbell-songar Kategori:Dolly Parton-songar Kategori:Joan Baez-songar Kategori:Peter, Paul and Mary-songar Kategori:The Kingston Trio-songar Kategori:Stevie Wonder-songar Kategori:Jackie De Shannon-songar Kategori:Bobby Darin-songar Kategori:The Staple Singers-songar Kategori:Lena Horne-songar Kategori:Odetta-songar Kategori:Eddy Arnold-songar Kategori:Marianne Faithful-songar Kategori:Sam Cooke-songar Kategori:The Johnny Mann Singers-songar Kategori:The Seekers-songar Kategori:Trini Lopez-songar Kategori:Marlene Dietrich-songar Kategori:Bobby Bare-songar Kategori:Cher-songar Kategori:Johnny Rivers-songar Kategori:Dick Dale-songar Kategori:Pete Seeger-songar Kategori:The Four Seasons-songar Kategori:Cliff Richard-songar Kategori:Dionne Warwick-songar Kategori:Flatt & Scruggs-songar Kategori:Johnny Nash-songar Kategori:The Supremes-songar Kategori:The Hollies-songar Kategori:The Ventures-songar Kategori:James Last-songar Kategori:The New Seekers-songar Kategori:Etta James-songar Kategori:Mormon Tabernacle Choir-songar Kategori:Neil Young-songar Kategori:Marc Bolan-songar Kategori:Judy Collins-songar Kategori:Jools Holland-songar Kategori:Nena-songar Kategori:Mountain-songar Kategori:Ziggy Marley-songar Kategori:KC and the Sunshine Band-songar Kategori:Crosby, Stills & Nash-songar Kategori:Stan Getz-songar Kategori:Duke Ellington-songar Kategori:Glen Campbell-songar Kategori:Chet Atkins-songar Kategori:Duane Eddy-songar Kategori:King Curtis-songar Kategori:Bugge Wesseltoft-songar 014 100 Kategori:Utvalde artiklar 2012