mini|The Old Man of Hoy, sett frå sør Old Man of Hoy (‘den gamle mannen på Hoy’) er ein 137 meter høg staur av gammal raud sandstein vest for øya Hoy i Orknøyane i Skottland. Han er eit kjent landemerke som ein kan sjå frå ferja mellom Thurso og Stromness. Klippa er òg eit populært klatremål.
Historie Klippa er truleg mindre enn 400 år gammal og det finst indikasjonar på at han snart kan kollapse. På kart frå 1600 til 1750 er området teikna som eit nes utan stauren. Landskapsmålaren William Daniell teikna klippa i 1817 som ei breiare søyle med ein mindre del på toppen og ein boge ved basen. Under ein storm tidleg på 1800-talet vart ein del av basen på klippa vaska bort, og det pågår framleis erosjon på klippa.
Klippa vert vist i ein sketsj i Monty Python's Flying Circus og i opninga av musikkvideoen til Eurythmics-songen «Here Comes the Rain Again».
mini|The Old Man of Hoy Klippa vart første gong klatra i 1966 av Chris Bonington, Rusty Baillie og Tom Patey i løpet av tre dagar. I 2008 vart òg det første basehoppet gjort frå toppen av klippa. Ein kan sjå hoppet på youtube her.
Sjå òg mini|Lange Anna på Helgoland i Tyskland The Old Man liknar ein annan staur, landemerket til Helgoland, Lange Anna.
Kjelder
Denne artikkelen bygger på «Old Man of Hoy» frå , den 14. mars 2010. oppgav desse kjeldene: London: Victor Gollancz Ltd., ISBN 0575039396 Evans og Hansom, 1995 Miller, 1976 The Orcadian (newspaper) 11 august 1977
Bakgrunnsstoff Om førsteklatringa i 1966
Kategori:Staurar Kategori:Geografi på Orknøyane